طارق الشناوي: كنت مبسوط والمخرج بيهاجم سعاد حسني واعتبرته سبق صحفي

فى سينما وتلفزيون

الخميس , 18 نوفمبر 2021 - 01:52

روى الناقد الفني طارق الشناوي كواليس لقائه الأول بالفنان أحمد زكي، في حضور الفنانة سعاد حسني.

وخلال حواره مع الإعلامية شافكي المنيري في برنامج "التاسعة" المذاع عبر القناة الأولى المصرية، قال طارق الشناوي: "أنا عرفت أحمد زكي وهو في الشارع الناس بتشاور عليه وتقول أحمد الشاعر. عشان "مدرسة المشاغبين" كانت مكسرة الدنيا وهو لسه معملش حاجة الناس تاخد بالها منها."

وأضاف: "أول لقاء مع أحمد زكي كنت طالب في كلية إعلام ورايح أعمل حوار مع المخرج سيد عيسى. كان فيلم "شفيقة ومتولي" وكان المخرج بيهاجم سعاد حسني وهي عايزة تغيره، وأنا مبسوط من هجومه على سعاد حسني واعتبرته سبق صحفي."

وتابع: "أحمد زكي كان موجود وفضل ساكت، وأنا نازل لقيته ورايا، وقاللي إنت لو نشرت ده الفيلم مش هيتعمل، وقعد يقنعني إن في وجه آخر للصحافة إنها توفق، وإن المخرج ممكن يتراجع عن الكلام اللي قاله."