هيثم شاكر: كل يوم بعمل بلوك على إنستجرام لناس بتشتمني

فى سينما وتلفزيون

الأربعاء , 3 نوفمبر 2021 - 19:38

حل المطرب هيثم شاكر ضيفا على برنامج "تريندز" المذاع عبر القناة الأولى المصرية، وكانت له هذه التصريحات عن أغنياته الجديدة وعلاقته بالسوشيال ميديا:

- الناس لامتني على إني بغيب بين الألبوم والتاني، ففكرت أبقى موجود بأغاني سنجل لغاية ما الألبوم التاني ينزل

- بعتمد على إحساسي في اختيار أغاني الألبوم، وبحب آخد وقتي في الاختيار

- بعد أغنية "كل الأعذار كدابة" فكرت إني عايز أخرج خارج الإطار بتاع هيثم وأعمل حاجة مختلفة عني

- في أغاني "واقف على تكه" و"مش عادية" ومؤخرا "صاحب الجمال" قدرت أجمع بين شخصيتي الموسيقية والفكر الجديد، من حيث تقطيعة الكلام واللحن، وفي نفس الوقت في حتة الشجن اللي الناس متعودة عليه، ومخرجتش بره الصندوق قوي

- الحمد لله رد فعل الناس على الأغاني كان عظيم ومرضي جدا بالنسبالي

- مش بالضرورة أكون مريت بالتجربة اللي الأغنية بتتكلم عنها، لكن لازم الأغنية توصلني وتلمسني وأحسها علشان أقدر أنقل لك الإحساس وتتأثر بيه

- أنا مش من الناس الشطار في السوشيال ميديا، وبستخدمها كمنفذ للإعلان عن شغل جديد، أغنية أو ألبوم أو مسلسل، بدل طرق الإعلان القديمة

- الشارع ونبض الشارع أهم كتير من السوشيال ميديا

- بحب إنستجرام أكتر، وبعمل بلوك لأي حد يتجاوز

- في ناس بتبعتلي تسلم، ولظروف خارجة عن إرادتي مبقدرش أرد، فيقوم باعت شاتم

- السوشيال ميديا عالم افتراضي مزيف أنا مبحبوش