نسرين أمين: متحملوش الأطفال جميلة عدم الطلاق

فى سينما وتلفزيون

الأحد , 24 أكتوبر 2021 - 21:49

في الحلقة الخامسة من برنامجها "وجهة مظر"، استضافت الفنانة علا رشدي الفنانة نسرين أمين، ودارت بينهما مناقشة حول الطلاق وتأثيره على الأطفال، ونرصد في السطور التالية أبرز التصريحات الواردة في الحلقة:

(نسرين أمين)

- الطلاق كويس ساعات للأطفال لو الأب والأم مش متفقين

- الطفل بيتأقلم على أي وضع، متحملوش الأطفال جميلة عدم الطلاق

- تأثير الطلاق على الأطفال يتوقف على شخصيات الأهل

- العيوب اللي بنتغاضى عنها في أول الجواز مش بتتغير بعد الجواز وبتظهر بقوة

- الأمومة مسؤولية، والحمد لله بابا وماما ساعدوني مع بنتي أمينة لإني كنت عايشة معاهم

(علا رشدي)

- الطلاق أبغض الحلال عند الله، لكن أحيانا بيبقى الحل الوحيد

- الطلاق بينتج "سنجل موم" و"سنجل داد"، والأطفال بينهم

- الطفل لما يكبر وأبوه عايش في بيت تاني بيفتكر المشكلة فيه

- فكّروا الأطفال بعد الطلاق إن المشكلة مش فيهم، وإن التخلص من العلاقة قراركم

- مفيش أب وأم يقعدوا مع بعض عشان خايفين على الأطفال

- الطلاق كتر في مصر، نتأنى قبل الجواز، وممكن نستشير متخصصين في العلاقات الزوجية، وياريت نختار صح من الأول

- كل واحد مكتوب ليه اللي حيتجوزه، وممكن يعيش حياته من غير جواز ويتبنى أطفال، أو يجيب كلاب وقطط، وياخد باله من أهله، ويسافر ويشتغل

- لو الأب والأم قرروا الطلاق لازم يكون باحترام، ويفضل بينهم مودة