حنان شومان تنتقد ياسمين صبري : ليست موهوبة .. وسيد علي يعلق

فى سينما وتلفزيون

السبت , 9 أكتوبر 2021 - 21:10

انتقدت الناقدة الفنية حنان شومان رغبة الفنانة ياسمين صبري في دخول مجال تأليف الأعمال الدرامية.

وفي مداخلة هاتفية مع الإعلامي سيد علي ببرنامج "حضرة المواطن" على قناة الحدث اليوم، قالت حنان شومان"أنا بعتبر ياسمين صبري نجمة على إنستجرام، لإن إنستجرام بيعتمد على الصورة الغير ناطقة. لكن هي عندها مشكلة كبيرة جدا جدا في فكرة القبول على الشاشة منذ أن قررت أن تكون بطلة، وهي بقت معروفة بإنها ممثلة الريأكشن الواحد."

وأضافت: "المشكلة إنها كمان عايزة تؤلف أو تعلن التأليف. مسلسلها السنة اللي قبل اللي فاتت أنا عندي المعلومة وبقولها على مسؤوليتي، إن ياسمين صبري كانت بتتفرج على مسلسلات أجنبية وبتقرر أنا عايزة المشهد ده، ومش هي لوحدها، حاجة عبث كامل. معنديش مشكلة إن ممثل يكتشف في نفسه موهبة الكتابة، بس لازم الأول يبقى موهوب كممثل."

وعلق سيد علي قائلا: "أنا أثق تماما في الشركة المتحدة للخدمات الإعلامية. الشركة دي محدش يروح ويتشرط عليها، ومحدش يقول أنا حكتب وحعمل، ومحدش يقول أنا حفرض مراتي. شركة بتشغل الناس الحقيقة وفقا لخطة ورؤية ومعايير معينة."