صابرين "دربكة" ضيفة منى الشاذلي تكشف شخصيتها.. ظهرت في أغنية عمرو دياب منذ 26 عاما

فى سينما وتلفزيون

الخميس , 30 سبتمبر 2021 - 00:37 | اخر تحديث: الخميس , 30 سبتمبر 2021 - 01:26

بعد سنوات من ظهورها مع الفنان عمرو دياب في كليب أغنية "ضحكة عيون حبيبي" وفيلم "أيس كريم في جليم"، حلت عازفة الطبلة صابرين الحسامي ضيفة على الإعلامية منى الشاذلي في برنامج "معكم" على قناة CBC، وروت قصة انجذابها لتعلم العزف على "الدربكة".

وقالت صابرين الحسامي: "الموضوع بدأ بالصدفة جدا، أنا بحب سينا جدا وبطلع سينا كتير، وهناك في موسيقيين كتير بيبقوا موجودين، وحتى البدو بيقعدوا بالليل يعملوا نار ويلعبوا عود وطبلة. أول مرة أشوف الطبلة من قريب."

وأضافت:" اتشديت وجبت طبلة على سبيل إن يبقى عندي طبلة، بعدين كبر الموضوع في دماغي وقلت أنا عايزة أتمرن، واكتشفت إن مفيش بنات خالص بيلعبوا طبلة في الوقت ده، فمسكت في الموضوع أكتر."

وعن الخطوات التي اتخذتها بعد العمل كـ"موديل" لفترة، قالت "خلصت جامعة وبعدين اشتغلت في شركة، وبعدين عملت ماجستير في إدارة الأعمال وكملت شغل، وبعدين لقيت الطبلة أو هي لقتني، وقرار إني أسيب كل حاجة وأتفرغ للإيقاع أخد وقت، والحقيقة الناس هي اللي شجعتني."

وشرحت "الحسامي" أنها عُرفت بلقب صابرين "دربكّة" لأن البحث عنه أسهل على محركات البحث في الإنترنت.