"شيكابالا" يرد على فنان أهلاوي: لو عايز أرجع الأهلي مش حكلمك إنت

فى سينما وتلفزيون

الأحد , 5 سبتمبر 2021 - 01:57 | اخر تحديث: الأحد , 5 سبتمبر 2021 - 01:58

رد كابتن نادي الزمالك محمود عبد الرازق شيكابالا على تصريحات فنان أهلاوي، حول رغبته في العودة للأهلي أثناء وجوده في البرتغال.

وفي حواره مع الإعلامي عمرو أديب ببرنامج "الحكاية" على قناة MBC مصر، قال شيكابالا: "في ناس بتطلع تقول حاجات مغلوطة. طلع من فترة فنان أهلاوي قال حاجات محصلتش. كنت ممكن أطلع أرد عليه ، وأقول إنك كذاب، بس أنا معملتش كده. عشان جمهور الزمالك عارف إن أنا مش كده."

وأضاف: "لدرجة إنه بيقول إن أنا كلمته عشان أرجع الأهلي وأنا في البرتغال. أنا لو عاوز أرجع النادي الأهلي طب على الأقل أكلم حسام غالي، أكلم عماد متعب صحابي، مش حكلمك إنت. بس إنت عشان عايز توصل للناس إنك حامي الحمى، بس إنت مش كده."