"شيكابالا": لن أقبل بإيقافي 8 شهور وسأتوجه للـ"فيفا"

فى سينما وتلفزيون

الأحد , 5 سبتمبر 2021 - 01:24

أوضح كابتن نادي الزمالك محمود عبد الرازق "شيكابالا" أنه في انتظار نتيجة التظلم على قرار إيقافه، وفي حال لم يحصل على حقه سيتوجه للاتحاد الدولي لكرة القدم "فيفا".

وخلال لقائه مع الإعلامي عمرو أديب في برنامج "الحكاية" على قناة MBC مصر، قال شيكابالا: "عملنا تظلم ومستنيين الرد، وجمهور الزمالك كله مستني، المرة دي هما حاسين إنتو مش عايزين شيكابالا إنتو عايزين الزمالك."

وردا على سؤال عن تصرفه في حال تم إيقافه لمدة 8 شهور، قال: "أنا مش حقبل إن أنا أتوقف، حتى لو حطلع من بره اتحاد الكورة، حطلع للفيفا أقول اللي حصل، الفيفا حتجيبلي حقي، وحاخد حقي عشان أنا مغلطتش."

وردا على سؤال "إنت شتمت جمهور الأهلي وإنت متنرفز؟" أجاب: "لأ خالص، أنا بروح للجمهور باحتفل مع الجماهير بتاعتي، الجمهور بيشتم أنا مليش دعوة. ومرة حصل قبل كده رئيس النادي بتاعنا اتشتم من جمهور النادي الأهلي، رد النادي الأهلي قال ده جمهور الدرجة التالتة حنوقفه إزاي. بلاش كده، لعيبة من النادي الأهلي احتفلت، والجمهور بتاعهم بيشتم نادي الزمالك متوقفتش ومحصلش حاجة."