"شيكابالا": رئيس الاتحاد برأني من شتمه والتجاوزات فلماذا تم إيقافي؟

فى سينما وتلفزيون

الأحد , 5 سبتمبر 2021 - 00:09

تساءل كابتن نادي الزمالك محمود عبد الرازق "شيكابالا" عن سبب إيقافه رغم تبرئة رئيس الاتحاد له.

وفي لقائه مع الإعلامي عمرو أديب في برنامج "الحكاية" على قناة MBC مصر، قال شيكابالا: "بعد الماتش لقيتهم بيقولوا شيكا شتم رئيس الاتحاد وتجاوزات، والكلام ده محصلش. رئيس الاتحاد طلع في برنامج قال واحد اتنين تلاتة، هو برأني من غير ما أنا أتكلم، قال شيكا ولا شتم ولا تجاوز ولا حاجة، طب أنا اتوقفت عشان إيه؟"

واستعاد شيكابالا تفاصيل الموقف قائلا: "أنا متنرفز عايز اللعيبة تخش، لما تشوف لعيبتك واحد بيزقهم ولّا واحد ماسكهم مينفعش. ده لعيب جاي يحتفل بالدوري مش جاي يتخانق. حتيجي تقول مثلا إن الشركة بتاعة الأمن ممنوع حد يخش، حلو، طب وأنا بسخن بين الشوطين كانت في جماهير بتنزل من المدرجات تتصور معايا جوا الملعب. فالأولى اللي فوق ينزل يتصور معايا ولّا أدخل اللعيب بتاعي اللي عايز يحتفل بالدوري؟"