شقيق ياسمين عبد العزيز يكشف تطورات حالتها: الزيارة ممنوعة وتعود لبيتها خلال 10 أيام

فى سينما وتلفزيون

الأحد , 25 يوليو 2021 - 00:33

كشف وائل عبد العزيز، شقيق الفنانة ياسمين عبد العزيز، تطورات حالتها الصحية.

وخلال مداخلة هاتفية مع الإعلامي عمرو أديب ببرنامج "الحكاية" على قناة MBC مصر، قال وائل عبد العزيز: "نقدر نقول إن ياسمين حالتها مستقرة إلى حد ما الفترة دي. والأطباء قالوا لنا إن شاء الله في خلال أسبوع أو 10 أيام بالكتير تبقى في بيتها. هي لسه تعبانة وإحنا لسه محتاجين نطمن عليها أكتر، ومحتاجة وقت. بس نقدر نقول هي الحمد لله بدعاء الناس، واهتمام الدكاترة اللي معاها الحمد لله بقت أحسن بكتير."

وردا على سؤال "هل تجاوزت مرحلة العناية المركزة؟"، قال: "في كلام طلع إن ياسمين دخلت في غيبوبة، الكلام ده محصلش، هي دخلت عملية، وبعدها في اليوم اللي بعده دخلت عملية تانية، ودخلت بعدها العناية قعدت فترة الأسبوع اللي فات، وابتدت اليومين اللي فاتوا في قوضتها، بس ممنوعة الزيارة عنها، بتاخد أدويتها."

وردا على سؤال "هل كان ما تعرضت له نتيجة خطأ طبي؟"، قال: " مقدرش أتكلم في ده. اللي يهمني دلوقت تطلع بالسلامة وبعد كده نشوف. إحنا عندنا نقابات بتتكلم، أستاذ أشرف موجود معانا ونقابة الأطباء، فلازم الاتنين يتدخلوا."