رغدة جلال: نيللي كريم فتحتلي مساحة في مشهد نهاية "ضد الكسر"

فى سينما وتلفزيون

الأحد , 30 مايو 2021 - 20:18

كشفت الفنانة رغدة جلال الطريقة التي ساندتها بها الفنانة نيللي كريم في نهاية مسلسل "ضد الكسر"، الذي عرض في رمضان الماضي.

وخلال استضافتها في برنامج "صباح الورد" على قناة TeN TV، قالت رغدة جلال: "طبعا هي [نيللي كريم] ليها هيبة. أنا واقفة قدام ممثلة أنا بحبها وشفتها في أعمال كتيرة بحبها. في نفس الوقت هي إنسانة جميلة وبتدي مساحات ولطيفة، تحسي عايزاكي تطلعي حلوة، والمشاهد اللي مابينا حلوة أوي."

وأضافت: "آخر مشهد في المسلسل خالص، إحنا قاعدين كلنا بناكل، وهي بتقولي ما تقوليلنا كده يا عزة الأغنية اللي كنتي بتغنيها في الحنة، هي فتحتلي مساحة."

وردا على سؤال "دا مكانش مكتوب في الورق؟" قالت: "المشهد ده سابوه ارتجال، خلاص بنقفّل وخلاص كل واحد داخل في الشخصية وعارف هوّا بيعمل إيه في الوقت دا."

وعن فرقتها الغنائية "بهججة"، قالت: "إحنا خمس بنات، أنا وسمر جلال، ووئام عصام، وشروق الشريف، وأسماء أبو اليزيد. بنحيي فن المونولوج من جديد بشكل معاصر، والفرقة مؤسسها أيمن حلمي، وبدأناها من 2015، وعملنا حفلات في أماكن مختلفة."

يذكر أن مسلسل "ضد الكسر" من بطولة نيللي كريم، محمد فراج، هشام إسماعيل، مصطفى درويش، لقاء الخميسي، تارا عماد، حمزة العيلي، وهو من تأليف عمرو الدالي، وإخراج أحمد خالد، وإنتاج العدل جروب.