جمال العدل: عندنا أزمة نصوص..والتعاون مع السعودية إضافة مهمة

فى سينما وتلفزيون

الأحد , 30 مايو 2021 - 02:24

طالب المنتج جمال العدل، رئيس مجلس إدارة شركة العدل جروب، بالاستفادة من خبرات كبار الكتاب في لجان تقييم نصوص الأعمال الفنية.

وخلال استضافته في برنامج "كلمة أخيرة"، الذي تقدمه الإعلامية لميس الحديدي على قناة ON، قال جمال العدل: "بلا نقاش عندنا أزمة نصوص. السوشيال ميديا، وإن الشباب بقى بيتفرج على حاجات بره مش شبهنا شوية، والورش اللي اتعملت للكتابة، خلت طعم الكاتب زي محمد صفاء عامر، أو محمد جلال عبد القوي، أو بشير الديك معادش موجود."

وردا على سؤال "لماذا لا نستعين بالكبار؟" قال: "الكبار رائعين وكل حاجة، بس مش حيبقى نفسه يكتب زي زمان. إنما ليه ميبقاش في لجنة التقييم. نستعين بخبرات بشير الديك العظيم يكتب، بس مش حيكتب بالغزارة اللي تسمح لنا نعمل مسلسل 60 حلقة."

وأضاف: "وإنت ليه ناسية إن تركي الشيخ موجود دلوقت في مصر، وحيستخدم نفس الناس دول في 50 أو 60 مسلسل. دي إضافة مهمة يبقى في تعاون بينا وبين السعودية، لإن هما مفتوح عندهم شاشات كتير."