نضال الشافعي يكشف كواليس مشاركته في غناء "وزة شيطان" مع محمد جمعة

فى سينما وتلفزيون

السبت , 22 مايو 2021 - 23:05

كشف الفنان نضال الشافعي، خلال مقابلة مع برنامج ET بالعربي، كواليس مشاركته في أغنية وزة شيطان" مع الفنان محمد جمعة، بأسلوب الراب.

وقال نضال الشافعي: "طبعا باحب أسمع كل الألوان والتفاصيل، لكن بصراحة مكانش عندي الجرأة إن أنا آخد خطوة زي كده. لولا صديقي الملحن محمد شاشو، وصديقي محمد جمعة. كنا قاعدين مرة في دردشة لطيفة، إيه رأيك ما تيجي تقول معانا، الموضوع سهل، وإنت ودنك كويسة. فجأة لقيته حبسني في قوضة الفيران، قصدي الأستوديو وقالي غني، وأنا أقوله أحد أحد."

وعن سبب إعجابه بالأغنية، قال: "كلمات الأغنية كانت عاجباني جدا وكنا بنقعد ندندنها، وشاشو لما لحنها حسيت في اللحن بمكس لطيف ما بين الصوت الشجي واللحن الأصيل اللي بيقوله جمعة، والجزء الراب اللي شاشو عايز يحطه في الأغنية."

وعن رأيه في الغناء بأسلوب المهرجانات، قال: "سواء كان مهرجان أو أي أغنية تانية الموضوع قايم على الفكرة. إذا كانت فكرة جيدة والموضوع حلو والتقديمة نفسها كويسة يبقى شيء عظيم جدا. مثلا أحد الأفلام اللي باعملها معروض في مكان معين جوه الفيلم يبقى في أغنية قريبة من فكرة المهرجان."