شعبان عبد الرحيم يرد على الرئيس الأمريكي بـ "ترامب خلاص إتجنن"

فى موسيقى وحفلات

السبت , 9 ديسمبر 2017 - 22:12

كعادته في التعبير عن آرائه السياسية في أغانيه، قرر المغني الشعبي شعبان عبد الرحيم الرد على الرئيس الأمريكي دونالد ترامب بأغنية جديدة تحمل عنوان "ترامب خلاص إتجنن".

وتضم الأغنية هجوما صريحا للرئيس الأمريكي بعد اعترافه بالقدس عاصمة لإسرائيل وقراره بنقل السفارة الأمريكية إليها.

وتقول كلمات الأغنية:
ترامب خلاص اتجنن... ترامب خلاص اتججن.
ترامب خلاص اتجنن... محتاج يا ناس قفص.. كله يخلي باله لو عض أو رفض.
مالك ومال القدس أما أنت راجل رذل.. كبرت خلاص يا ترامبو ولازم تعتزل.
عامل علينا معلم عشان إحنا دلعناك.. مفيش غير بس كوريا هي اللي مظبطاك.
إكمنك شكل هوجان ماشي تخبط بإديك.. مفيش غير كيم يانج اللي بيقدر عليك.
يا راجل اختشي على دمك بجد عيب عليك.. ولعت الدنيا بكلمة يا رب تعمى عنيك.
يا ترامب يا صهيوني يا ممثل دوبليل.. الشعب العربي كله مش هايعديها على خير.
القدس ها تفضل باقية عربية ليوم المعاد.. يا جماعة بيت المقدس أومال فين الجهاد؟
قعدين تجاهدوا فينا جهاد مالوش مثيل.. أنا نفسي أشوف جهادكم في أمريكا وإسرائيل.
القدس أهي بتتسرق بتقول يا مين يحوش.. قولنا الربيع العربي مؤامرة ما صدقوش.
ترامب ناوي يخربها ويولع الفتيل.. طالع يقول القدس عاصمة إسرائيل.
لو مرة العرب يتحدوا يكسروا ثم التعبان.. ده المتغطي بأمريكا وحياة ربنا عريان.
فتحت فتوحة على نفسك يا ترامب ومش ها تفوت.. القدس خط أحمر وباقية مش ها تموت.
إياك تتكلم تاني على صلح أو سلام.. ده أنت الإرهاب الأصلي وشوية عليك إعدام.
حلمكم والنبي لا نهده يا اللي صنعتوا الإرهاب.. إسرائيل دي إيه يا جدو ليلة أبوكوا هباب.
الغضب الصاطع قادم يا ترامب يا ابن ماريكا.. ولا إسرائيل ها تحوشه ولا مامتك أمريكا.