بالفيديو.. مشهد مؤثر لمحمود عبد العزيز يتحدث فيه عن الموت

فى حياة المشاهير

السبت , 12 نوفمبر 2016 - 23:11

تداول العديد من مستخدمي مواقع التواصل الإجتماعي فيديو مؤثر للفنان الراحل محمود عبد العزيز يتحدث فيه عن الموت.

الفيديو عبارة عن مشهد لمحمود عبد العزيز من مسلسله التليفزيوني "جبل الحلال" الذي عرض عام 2014، ويقول عبد العزيز في المشهد: اللي شاف الموت ميخافش منه، أصل شوفته وعرفته، أقسم بالله شوفته وهو جاي علشان ياخد عمري، حسيت إني طلعت لفوق لفوق، وشوفت الأرض كأنها حبة رمل ما تساويشي، وتحس إنك خفيف خفيف، والموت حنين، وعمال يطمنك، وشوفت قدامي شريط بيدور زي البكرة، ما بيققش، شريط كله صور، وأنا هنا، وأنا في الجيش، وأنا في البلد، وأنا بقع، والنار من غير عود في جسمي.

وأضاف عبد العزيز في المشهد: اللي يحس بالموت ويصاحبه تتغير حياته، وبعدين احنا بنخاف من الموت ليه، وكلنا موتنا كذا مرة، وانت شاب بيموت الطفل، وأنت شايب وعجوز بيموت الشاب، كلنا موتنا كذا مرة، وكل مرة بنبكي، لكن مفيش أغلى من الحياة، أول ما تفتح عينك الصبح لازم تشكر ربنا، وتسلم على الشمس، وتسلم على الوكل، وتسلم على الشجر، وتسلم على الذرع، وتسلم على قميصك اللي انت لابسه.