كشفت المطربة السورية أصالة عن سبب حزنها مؤخرا وإصابتها بحالة نفسية سيئة.

كتبت أصالة عبر حسابها بموقع Twitter: "مسا الخير... بدّي أحكي لكم حكايتين صاروا معي مبارح واليوم كتير مستغربتهم !!! فيه ملحّن سوري أنا حابّه شغله ، وقلت بلكي بسمع منّه شي، فا قال الأستاذ( هي فرصه كبيره ، إنَّما أنا بخاف أتعامل مع أصاله !) ، قالوله الوسطاء ( وهي من عندهم) طب ماينزل إسمك على العمل ، قال(بخاف ينعرف)".

وتابعت: "والقصّة التانيه... فيه ناس كمان سوريّين، اهتمّوا بولادي وبعرف إنّهم اهتمّوا مشاني، شكرتهم وقلت دلّعهم زياده وأعملّ لهم بوست عالأنستغرام، بس قلت خلّيني أسألهم أوّل.. الست تقريباً صارت تبكي وتترجّاتي مافكّر بالموضوع ( مو تواضع!! بل خايفه من أهلها الّلي بالشام يقاطعوها) ،معقول؟!".

وأضافت: "عادة بفكّر زيليون مرّه قبل ماأنشر أيّ موضوع ، حتّى لو سخيف، إنّما هالمرّه مو قادره ماعبّر وقول ، أنا عن جدّ زعلانه ، ومن قلبي زعلانه، معقول المواضيع هالقدّ بتمشي بالعكس!؟ ( إستغراب فسؤال)".

يذكر أن أصالة طرحت مؤخرا أغنية منفردة بعنوان "كلمة عادية".

اقرأ أيضا

أصالة عن مقتل الممثل اليمني جلال السعيدي: مات وهو يزرع الضحكات

بالفيديو- أصالة تمازح كارمن سليمان بسبب نحافتها