ليلى علوي تسترجع ذكرياتها مع نصر أكتوبر

محرر FilFan

محرر FilFan تاريخ النشر: الخميس، 6 أكتوبر، 2016 | آخر تحديث:

ليلى علوي

استرجعت ليلى علوي ذكرياتها مع نصر اكتوبر 1973، والذي استطاع في الجيش المصري التغلب على جيش إسرائيل واستعادة أراضيه، وعبرت عن فخرها بذلك الانتصار.

وكتبت ليلى علوي عبر صفحتها بموقع Facebook: أكتوبر، من أحلى أيام عمري اللي أذكرها في تاريخي وانا صغيره.. 6 أكتوبر 1973 بقيت ببص للسما وابص للناس وأقول ايه الفرحه دي ايه النصر ده، أخيرا الطوب الأحمر اللي ادام بيوتنا هيتشال.
أنور السادات عمل حاجه عظيمه و حطم خط بارليف كل العالم بيتكلم عن الجيش المصري و هزيمة إسرائيل.. اد ايه اليوم ده من أهم ايام تاريخ مصر والنهارده نفسي الناس تحس اليوم ده اوي و الجيش المصري و الرئيس الراحل أنور السادات و الشعب المصرى و سوريا و السعودية وكل اللي وقفوا جنبنا خلونا نحقق ايه دلوقتي..
يوم خلاني ارفع راسي دايما وانا بره وازاي كنت بشوف البلاد هناك بيتكلمو عننا ازاي و عن نصر أكتوبر..
نفسي ولادنا يقدرو اليوم ده كويس اوي و يفهموه و يتعلموا حب الوطن و الأرض..
انت غاليه اوي يا بلدي و مستقبلنا في أيديكم يا شباب..
تحيه للشهداء من الجيش والشرطة والشباب و يا رب الوطن العربي يتحد و سوريا تحيا من جديد، تحيه لكل المصريين و ربنا يثبت أقدامنا دايماً و يرحمك يا سادات.