يجتمع نقيب الممثلين أشرف زكي اليوم مع الفنان هادي خفاجة لمناقشته في أسباب وظروف إعلانه اعتزال التمثيل ومحاولة حل أزمته.

وقال زكي في تصريحات لـ "في الفن": كنت مسافرا خارج مصر، لكن بعد عودتي وجدت رسالة من هادي خفاجة عن أزمته الأخيرة، لكنني اتصلت به واتفقنا على أن نتقابل اليوم لحل المشكلة، رغم أنه في الأساس ليس عضواً بنقابة الممثلين.

وكان هادي خفاجة أعلن منذ أيام اعتزال التمثيل نهائيا في مصر والتوجه إلى أي دولة أخرى والتمثيل بها، وذلك بسبب موقف تعرض له مع القائمين على برنامج "وش السعد" بطولة محمد سعد، وحكى هادي ما حدث عبر حسابه الشخصي في موقع التواصل الاجتماعي Facebook.

وكتب هادي: "قررت أنا هادى خفاجة اعتزال التمثيل نهائياً في مصر وده بسبب الموقف اللى انا هاحكيه هو موقف في قمة قلة الذوق اللي في الدنيا".

وتابع قائلا: "جاتلى مكالمة الساعة ١٢ بليل إن محمد سعد عايزنى فى تصوير فى حلقة من برنامج وش السعد اللى هي كانت انهارده وأنه عايز يقعد معايا، طبعاًً لبست وروحت له الساعة ١ بليل كان موجود الكاست كله ونجوم الحلقة أيتن عامر ومنة عرفة وعملنا بروفة واتفقت مع مدير الإنتاج والملابس وكل حاجة وأستاذ سامح عبد العزيز المخرج قعدت معاه واتكلمنا عن الشخصية واتفقنا إن التصوير بعدها بيوم."

واستكمل: "خلصت كانت الساعة ٤ الفجر روحت البيت نمت وصحيت استعديت نفسياًً إن رايح التصوير وحفظت السيناريو كان المعاد الساعة ٥ المغرب لقيت اتصال وأنا فى الطريق الساعة ٤ العصر من واحد من مساعدين الإخراج بيقولى استاذ هادى احنا اجلنا الاسكتش بتاع حلقة حضرتك وهنكلمك نقولك امتى التصوير ان شاء الله .. افتح Mbc Masr من شوية ألاقي الاسكتش بتاعى اتصور بممثل تانى؟؟ طب ليه اللف والدوران الحمد لله تاريخى مش هيقف على حلقة بس موضوع تقدير".

أقرأ أيضا
الممثل الشاب هادي خفاجة يقرر اعتزال التمثيل في مصر بسبب "وش السعد"

وأضاف ليؤكد أن قراره نهائي وأنه سيذهب ليعطي نقيب الممثلين أشرف زكي عضوية النقابة تأكيدا على رفضه العمل في مصر مجددا: "أنا حبيت أحكى لأني وسط حاجات كتير حصلتلى مكنتش مستحمل حركة زى دى وبكرة بإذن الله هاكون فى نقابة المهن التمثيلية و هاسلم أستاذ أشرف ذكى عضوية النقابة لأنها متلزمنيش فى شيء دلوقتى بس بجد كفاية تدمير في المواهب وإحباط في الناس لان الوسط بجد أصبح عن عصابات تتحكم فيه".