تيم حسن: أخويا الصغير اتولد بشلل دماغي واتوفي بحادث في المنزل

نهال ناصر

نهال ناصر تاريخ النشر: الثلاثاء، 3 نوفمبر 2026 | آخر تحديث:

تيم حسن

فتح الفنان السوري تيم حسن قلبه وحكى عن لحظات صعبة في حياته منها قصة وفاة شقيقه الأصغر.

وخلال لقائه في بودكاست "قصتي" حكى تيم حسن عن شقيقه "خلدون" وكيف توفي في حادث صعب أثر على العائلة وخاصة والده نفسيا.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وحكى تيم حسن: "كان ليا أخ صغير وتوفى، ولد أخويا "خلدون" بشلل دماغي وكان قاعد على كرسي متحرك وكان صعب عليه وعلى أهلي وعليا وعلى أخويا، كنت بشوف معاناته وهو مش قادر يتكلم وبيصدر بس أصوات، في آخر فترة كان بيقدر يفك الرباط ويقوم من على الكرسي ويقف شوية".

نرشح لك: "أنا عايزة أتجوزك" … تيم حسن يوضح حقيقة فيديو طلب وفاء الكيلاني الزواج منه: كلام مقصوص كانت متزوجة وقتها

وتابع تيم حسن: "في لحظة كان باب الصالون مقفول ووالدي في المطبخ، اتحرك "خلدون" ومشي باتجاه الباب وهو بيسند على الباب جيه والدي وفتح الباب فوقع على راسه وتوفي".

وأكمل ليحكي عن موقف جمعه بشقيقه قبل وفاته بيوم لا يستطيع نسيانه قائلا: "نفس القومة اللي بيقومها حصلت قبلها بليلة أغرب ما يمكن، جالي وخبطت على الباب وللأسف الشديد أنا كنت في سن المراهقة قمت مسكته ورجعته للكرسي ورجعت لأوضتي مكنتش متخيل أنها اللحظة الأخيرة وجاي يودعني".

وأضاف تيم حسن: "دلوقتي بقدر أحكي الحكاية لكن زمان كان في حساسية مكناش بنتكلم أو نجيب سيرة الموضوع، والدي تأثير جدا لأن هو اللي فتح الباب وحصل اللي حصل طول السنين اللي فاتت مش بنجيب سيرة ساعات مع والدتي ممكن نتكلم، الآن والدي ربنا يطول عمره ويشفيه ويعافيه وهو بيشوف اللقاء لا يتذكر، هو الآن مش هيفتكر فأقدر أحكي".

يذكر أن آخر أعمال تيم حسن كان مسلسل "مولانا".

مسلسل "مولانا" بطولة تيم حسن ونور علي ومنى واصف وفارص الحلو ونانسي خوري وغيرهم من النجوم، تأليف لبنى حداد وإخراج سامر البرقاوي.