شريف مدكور: بحمد ربنا إن جالي سرطان وبعاني حاليا من ضمور الأطراف بسبب الكيماوي

نهال ناصر |

شريف مدكور

الاثنين , 2 نوفمبر 2026 - 12:33 | اخر تحديث: الاثنين , 2 نوفمبر 2026 - 12:34

كشف الإعلامي شريف مدكور كيف أثرت عليه محنة مرضه بالسرطان بشكل إيجابي وكانت هي نقطة انطلاقة مشروعه الاستعراضي.

وخلال لقائه في برنامج "صاحبة السعادة" مع إسعاد يونس قال شريف مدكور: " أنا بقول الحمد لله إن جالي كانسر أولا شفت حب الناس ونظرتي للحياة اختلفت للأحسن وبقولها لكل حد مريض بهذا المرض خلي المرض دا يحسن حياتك إلى الأحسن، عمري ما هنسى أول ما عييت الرسالة اللي بعتيهالي لما قلتيلي يا شريف كل الناس بتدعيلك وأنت قوي كل ما اتعب شوية اسمعها وأحس بطاقة إيجابية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وكشف شريف مدكور انه يعاني حاليا من ضمور في الأطراف لكن رغم ذلك يواجه المرض ويشارك بنفسه في الاستعراضات وقال: "عندي حاليا ضمور في أطراف الأعصاب في إيدي ورجلي ومش هيروح ودا من تأثير العلاج بالكيماوي، ومدربة الرقص بتاعتي بتمرني إني أعرف أرقص من غير ما أقع".

نرشح لك: ابن محمد الحلو يكشف تفاصيل أزمة والده الصحية ... عضلة القلب توقفت مرتين

وحكى شريف مدكور كيف بدأ مشروعه الاستعراضي قائلا: "الرقص بالنسبالي حاجة مهمة في حياتي وعلاج ليا لما بتعصب برقص ولما بفرح برقص ولما بغضب برقص ولما بتعب برقص هو بيطلع طاقة سلبية وبيخليني أبقى في مود حلو".

وتابع: "نفسي أرجع المسرح الاستعراضي رغم أن أنا لا مطرب ولا مغني لكن مؤدي على قد حالي والشو اللي بعمله جالي أثناء فترة مرضي وبالذات فترة الهلوسة بعد البنج، كانت بتبقى قاعدة جنبي الاستايلست دينا نصير كنت أقولها أنا شايف ناس لابسه ريش وفي ستارة وبلياتشو ولما فقت حكيتلي اللي كتبته وكل ما تقولي أفتكر ونفذت الكلام دا في أغنية، قلت أنا عندي 54 سنة ومفيش حاجة اسمها سن المعاش لا أؤمن بيه فقررت أعمل المشروع وعملت فرقة راقصة كلهم من الإسكندرية من مراكز شباب تابعة لوزارة الشباب والرياضة وعملنا الشو".

وأكمل: "في المجتمع بتاعنا في ناس كتير أوي ضد الرقص والاستعراض، أنا منظوري أن الرقص نوع من أنواع الرياضة زي السباحة وكرة القدم بس هي رياضة على مزيكا وبتطلع طاقة سلبية، زمان لما كنت باخد الكيماوي كنت برجع البيت اشتغل استعراضات مادونا وأقعد أقلدها وأصحى تاني يوم أنزل الشغل".