طارق العريان يكشف كواليس "لولا البنات": عمرو دياب كان شايف فكرة الفلاحين أوي

نهال ناصر

نهال ناصر تاريخ النشر: الثلاثاء، 27 أكتوبر 2026 | آخر تحديث:

عمرو دياب طارق العريان

كشف المخرج طارق العريان كواليس فيديو كليب "لولا البنات" للفنان عمرو دياب.

وحكى طارق العريان عن كواليس التحضير للفكرة والتصوير وقال في لقاء مع ET بالعربي: "عمرو دياب ذكي ذكاء وشايف لقدام، غيرنا 4 أغاني لحد ما قررنا أن هي دي اللي هتتصور، عمرو كان شايف نوع الأغنية دي الفيديو كليب هو اللي هيرفع من الأغنية إحنا بس اتأخرنا في نزول الكليب".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع طارق العريان: "والحقيقة أن فكرة الفلاحين كان هو شايفها أوي أنا كنت عايز أحطها في البداية بس، ابتدي بيها وأقول أن من هنا الفكرة طلعت، عمرو حس أنها لازم تزيد أكتر فحطيناها جوا الأغنية في حتت تانية، وحصل اللي حصل".

نرشح لك: صابرين: حافظت على صلواتي وإيماني زاد بعد خلع الحجاب

عمرو دياب ولجين خليفة

وتحدثت طارق العريان عن لجين خليفة والنجاح الذي حققته بعد الأغنية: "معملتش اختبار وشفت البنات عملت بروفة عشان يحفظوا الكلام لأنهم هيغنوا، كان عمرو قالي خليهم يغنوا ونحط ليهم حته غناء، لجين خليفة من أول بروفة نورت بشكل فظيع قلنا لها تعالي قدام بانت من أول 3 ثواني عندها حضور فظيع".

View this post on Instagram

A post shared by ET بالعربي (@etbilarabi)

وكان عمرو دياب طرح أحدث ألبوماته "حبيتك" وضم 12 أغنية وهي:

"لولا البنات" كلمات مصطفى البرنس، ألحان: عمرو دياب، توزيع: أحمد إبراهيم.

"الألوان" كلمات: مصطفى حدوتة، ألحان: إيهاب عبد الواحد، توزيع: أحمد إبراهيم.

"جيتلك" كلمات: رزام، ألحان: نادر نور، توزيع: عادل حقي.

"حبيتِك" كلمات: أمير طعيمة، ألحان: عمرو مصطفى، توزيع: أحمد إبراهيم.

"غيابه فرق" كلمات: أيمن بهجت قمر، ألحان: محمد يحيى، توزيع: أحمد إبراهيم.

"أنا معاك" كلمات: أمير طعيمة، ألحان: عمرو مصطفى، توزيع: أحمد إبراهيم.

"المفضل"ك لمات: منة القيعي، ألحان: محمد يحيى، توزيع: عادل حقي.

"وانتي جنبي" كلمات: مصطفى حدوتة، ألحان: إيهاب عبد الواحد، توزيع: أحمد إبراهيم.

"بحاول" كلمات: تامر حسين، ألحان: عمرو دياب، توزيع: أسامة الهندي.

"12 بالليل" كلمات: مصطفى حدوتة، لحان: محمد يحيى، توزيع: أسامة الهندي.

"سلام كبير" كلمات: أيمن بهجت قمر، ألحان: أدهم بهجت قمر، توزيع: أحمد إبراهيم.

"اتأخر عتابنا" كلمات: رزام، ألحان: عمرو مصطفى، توزيع: أسامة الهندي.