كندة علوش: كنت فوق الـ80 كيلو ومبسوطة أن مجاليش تعليقات سلبية على شكلي في "خمسين خمسين"

نهال ناصر | فى حياة المشاهير

كندة علوش

الاثنين , 26 أكتوبر 2026 - 13:49 | اخر تحديث: الاثنين , 26 أكتوبر 2026 - 13:49

تحدثت الفنانة كندة علوش عن خسارتها للوزن موضحة أن وزنها ازداد كثيرا الفترة الماضية.

وحكت كندة علوش خلال لقائها في برنامج "صاحبة السعادة" مع إسعاد يونس أنها خلال تصوير مسلسل "خمسين خمسين" كانت في أكثر فترة زاد وزنها بها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت: "خلصت تصوير مسلسل "خمسين خمسين" من سنة وشوية، أنا كنت في المسلسل زايدة من 18 لـ20 كيلو وأنا بتفرج على المسلسل بقول لعمرو يوسف إيه الثقة اللي جاتلي إني أنزل من البيت أصور وأنا بالحجم دا، كنت فوق الـ80 كيلو".

نرشح لك: #شرطة_الموضة: عمرو دياب يضيف سلسلة أنيقة من Chopard لمجموعة مجوهراته .. سعرها 807 آلاف جنيه

وتابعت كندة علوش: "انبسطت أوي أن دلوقتي الناس بقت قاسية جدا طول الوقت على السوشيال ميديا أنا سعيدة أن ما جاليش كومنتات وحشة مع أن الحجم كبير عشان يمكن أن الحجم ده لايق على الكاركتر طبعا في ناس قالوا لي قولي أنا تخنت عشان الدور لا أنا مش تخنت نفسي 20 كيلو عشان الدور الصراحة عشان مش عارفه اخلص منهم ازاي".

كندة علوش من مسلسل خمسين خمسين

وعن طريقتها لخسارة الوزن: " عملت مجهود كبيربقالي سنة وشوية على كل المستويات بتمرن ودايت جربت حتى السكك الناس بتجربها بس بعيده عن أي حاجة جراحية الحاجات اللي عملتها عملتها بشكل الحمد لله صحي جدا جدا والتركيز فيها كان على الدايت والأكل الصحي والتمرين اللي دلوقتي خلاص ما بوقفوش خالص بحاول يعني من خمس مرات أقل حاجة تلات أربع مرات في الأسبوع".

وأضافت كندة علوش: "وعندي مدربة بشكرها اسمها ملك حبيبتي شاطرة وبتيجي معايا حتى في الساحل كنا على طول عاملين معسكر، بتمرن ساعه اللي هي تمارين مقاومة بشيل فيها وزن أنا عارفة أن للستات فوق الـ 40 ضروري جدا جدا التمارين المقاومه والأوزان ولما كنت في الساحل كنت بمشي كتير المشي أو المشي السريع أحسن بكتير من الجري ".

وأكملت لتكشف كندة علوش عن نظامها الغذائي: "أنا ما كنتش من الناس اللي بتاكل بروتين كتير اكتشفت أنه مهم وبحاول أكتر من الخضار، وأنا مع الاعتدال يعني مبقطعش العيش خالص بس قليل مبقطعش الرز خالص مبقطعش حاجة تماما غير السكر مخففاه قوي بس انا مش مع مش مع الحرمان الكامل".

واختتمت كندة علوش كلامها: " سعيدة بنتائج التمرين مش بس بالخسسان أن بقى عندي عضل أنا بحب أشيل العيال وأجري وأولادي كبروا يعني بقى في وزن يمكن ده كان الهدف الأساسي عندي في التمرين مش بس طبعا نزول الوزن عايزة أبقى قادرة أشيلهم وألعب واتشقلب معاهم".

يذكر أن كندة علوش يعرض لها مسلسل "خمسين خمسين" بطولة كندة علوش، معتز هشام، ياسمينا العبد، حمزة دياب، انتصار، حازم إيهاب، إلى جانب عدد من الفنانين، من تأليف عمرو أبو زيد وأحمد هشام، وإخراج أحمد عبد الوهاب ومن إنتاج سالي والي شركة S Productions.