نسرين أمين عن سبب عدم زواجها مجددا: بحب الراجل المحترم المؤدب وماقبلتش حد أبهرني

نهال ناصر

نهال ناصر تاريخ النشر: الثلاثاء، 13 أكتوبر 2026 | آخر تحديث:

نسرين أمين

كشفت الفنانة نسرين أمين سبب عدم زواجها مجددا بعد زواجها مرة واحدة من والد ابنتها الوحيدة أمينة.

وقالت نسرين أمين خلال لقائها في برنامج "الصورة مع لميس الحديدي": "عشان ارتبط بحد واتجوزه لازم أحبه وعشان أحبه لازم أبقى مبهوره بيه وأنا مقابلتش أي حد مبهر خالص".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت نسرين أمين: "طول الفترة دي كل اللي قابلتهم بصراحة مش مبهرين، أنا بحب الراجل المحترم اللي بيبقى مؤدب وابن ناس، مفيش حد مبهر وأقول إيه الشخصية دي، أكيد في وإن شاء الله هقابلهم".

وأضافت: "الحمد لله أنا في نعمة كبيرة إن مفيش حاجة تجبرني إني اتنازل عن أي حاجة مقابل إني اتجوز".

نرشح لك: راندا البحيري تكشف تفاصيل مرضها: بقالي 7 سنين بعاني وكنت يوميا بعيط من الوجع والأدوية تخنتني جامد وكنتوا بتتنمروا عليا

View this post on Instagram

A post shared by Al Nahar (@alnahareg)

وعن سبب طلاقها من والد ابنتها قالت نسرين أمين: "بنتي عندها 20 سنة وربيتها مع مامتي وبابايا، اتجوزت بدري واتطلقت بدري أوي، قعدت سنتين بس متجوزة، الطلاق كان بدري لأننا إحنا الاتنين كنا صغيرين وحصل تغيير في الشخصية والأفكار، أنا اللي مشيت ودي طبيعتي أي حاجة بحس أنها مش شبهي ومش مرتاحة فيها بمشي جواز أو شغل أو سفر".

وأكملت نسرين أمين: "ماما وبابا لما قلتلهم إني هتطلق وقفوا جنبي وساعدوني وشجعوني وربوا معايا بنتي".

على جانب آخر، يعرض لنسرين أمين أحدث أعمالها فيلم "ريد فلاج" من بطولة أحمد حاتم وجميلة عوض وميمي جمال وشريف منير وانتصار وريم خوري ورحاب الجمل، تأليف أحمد محيي وإخراج محمود كريم.

كما تظهر نسرين أمين ضيفة شرف في فيلم "مطلوب عائليا" الذي يعرض في دور العرض السينمائية.

فيلم "مطلوب عائليًا" بطولة كريم عبد العزيز وياسمين صبري، مصطفى خاطر، وسارة بركة، وسامي مغاوري، بالإضافة إلى عدد من الفنانين وضيوف الشرف، من بينهم أحمد فهمي ونسرين أمين، والعمل من تأليف شريف الليثي وإخراج معتز التوني.