راندا البحيري تكشف تفاصيل مرضها: بقالي 7 سنين بعاني وكنت يوميا بعيط من الوجع والأدوية تخنتني جامد وكنتوا بتتنمروا عليا

نهال ناصر | فى حياة المشاهير

راندا البحيري

الاثنين , 12 أكتوبر 2026 - 13:37 | اخر تحديث: الاثنين , 12 أكتوبر 2026 - 13:37

فتحت الفنانة راندا البحيري قلبها وحكت تفاصيل الوعكة الصحية التي مرت بها الفترة الماضية والمرض الذي عانت منه.

وفي منشور لها بصفحتها على Facebook، وجهت راندا البحيري الشكر لكل الأطباء كما وجهت رسالة للسيدات ممن يعانين من مرضها "بطانة الرحم المهاجرة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت راندا البحيري: "أنا بعاني من مرض بطانة رحم مهاجرة بقالي يمكن 7 سنين تقريبا، 7 سنين عايشه مع الألم 7 سنين عايشه مع المسكنات والحقن والمستشفيات".

نرشح لك: خالد يوسف يكشف طريقة تصوير مشاهد العري: القلع مش بيحصل كامل

وتابعت راندا البحيري: "كنت يوميا بعيط من الوجع كنت يوميا باخد من حقنة لـ3 حقن وأنام بقية اليوم كنت بتحارب من أشخاص في نفس وقت مرضي وكنت مضطرة ارد عليهم واقف قصادهم بأي شكل علشان الحياه لازم تكمل كنت بصرف على بيتي وعلى بيوت تانية وكنت مضطرة وأنا عيانة بمرض خطير إني اقف على رجلي واشتغل حتى لو مش شايفنيي بعمل مسلسلات وأفلام جديدة كتير إنما أنا عندي شغل تاني بعمله".

راندا البحيري تكشف تفاصيل مرضها

وأضافت: "المرض ده قرر يوقفلي حياتي وأنا بفضل الله رفضت أن حياتي تقف وجيت على نفسي وكملتها الأدوية اللي كنت باخدها تخنتني جامد فترة من الفترات كنتوا كلكم بتتنمروا عليا كنت باخد الكلام ده واسكت واقول الحمدلله كل شتيمة وكل لجنة وكل كومنت سئ هاخد من حسناته وهيمسح من سيئاتي، شهور طويلة وأنا معاكم هنا وبعاني ومكنتش بتكلم علشان كل واحد فيه اللي مكفيه وأنا دايما بظهر الجانب اللطيف علشان الناس تتبسط".

واختتمت رسالتها: "المرة دي كمان أنا مقولتش ده من باب إني أوريكم أنا مريت بإيه لا والله والله أنا بقوله لكل مريضة بطانة رحم مهاجرة أنا زيك … شوفت اللي شوفتيه ويمكن أكتر حاسه بيكي وبكل حاجة حصلتلك وعارفة أنك لفيتي على دكاترة العالم كله علشان ده مرض محدش كان لاقيله علاج ولا كان حد فاهمه أنا هنا لمساعدة أي حد عايز أي استفسار عن التجربة".

منشور راندا البحيري

وكانت راندا البحيري كشفت في بداية أغسطس الماضي عن مرورها بوعكة صحية.

وكتبت راندا البحيري عبر صفحتها على Facebook: "اعذروني إني مش متفاعله معاكم بالقدر الكافي، بس اليومين دول يعني بخرج من تعب بخش في تعب بس بحاول أحارب الحاجات دي وأتحمل علي قد ما أقدر".

وتابعت راندا البحيري: "الناس اللي هتهزر في الكومنتات على فكرة أنا تعبت تعب جامد جدا الفترة اللي فاتت ومرضتش اعمل دراما ومرضتش أقولكم علشان متزعلوش".