حل الفنان أمير عيد ضيفا على الحلقة الأولى من بودكاست "مسار"، حيث تحدث عن رؤيته لمسيرة فريق "كايروكي" في المستقبل، وأبرز الأغاني التي يستمتع بالعودة إليها، وشعوره بالوقوف على المسرح ومواجهة جمهور، إلى جانب مواضيع أخرى ومنها رأيه في دور الفنان، وعلاقته بربنا.
وقال أمير عيد خلال اللقاء: "حلمي الرئيسي مع "كايروكي" إننا نفضل نلعب في حفلات ونعمل جولات فنية ونؤلف أغاني ونفضل سوا لما نبقى عواجيز أوي وحتى آخر أيامنا نلعب ونتبسط .. بدأت أشوفنا وإحنا عواجيز".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وردا على سؤال ماذا قصد بتشبيه الفنان بالكشاف الذي ينير للناس، قال أمير عيد: "الفنان مش لازم يكون عبد لإرضاء الناس إنت كده بتخذلهم".
وأضاف أمير عيد: "بشوف فنانين بيقولوا أنا براند ودي إهانة بالنسبالي، أنا بني آدم مش براند، مش بحاول أبيع لك نفسي. اللي خلى الفن مش زي الأول إنك دايما بتحاول تبيع حاجة كإنك منتج، كإنك حاجة ساقعة أو شيبسي، ونجاحك هو إنت بعت أد إيه ودي كارثة".
وكشف أمير عيد عن أكثر أغنية يحب العودة إليها بقوله: "أغنية "أنا نجم" بحب أرجع لها دايما، بتفكرني بأيام وأنا ماشي بالجيتار في المطرة في الشارع، وبشوف النشأة بتاعتنا وكنا بنشوف الحياة إزاي. أغنية تعبت فيها أوي وقعدت 3 سنين في الدرج محدش سمعها وفجأة طلعتها".
وعن شعوره بالوقوف على المسرح، قال: "المسرح أكتر مكان بحس فيه إني ببقى نفسي، ببقى أفكاري وشخصيتي، ومبحسش بحرج ولا خوف ومبخافش أغلط أو أنسى الكلام .. بحس إن ده المكان بتاعي أنا والناس اللي شبهي".
وتطرق الحور إلى علاقة أمير عيد بربنا، وهو ما تحدث عنه قائلا: "بكلم ربنا كتير قبل ما أعمل الشيء وبسأله، ممكن أقول عايز علامة أعمل دي ولا معملهاش. وباقول يا رب خليني صادق مع نفسي عشان مش عايز أتوه عن نفسي وأعمل حاجات أنا مش مدركها، وبكلم ربنا كتير في الصلاة".
وتابع: "أنا مش مثالي بس علاقتي بربنا كويسة، وبعمل صلاة الاستغفار كتير، يعني بعمل حاجة غلط وأروح أصلي".
يذكر أن أمير عيد وفريق "كايروكي" طرحوا مؤخرا أحدث ألبوماتهم الغنائية "سوبرنوفا"، ولا يزال الألبوم يحقق تفاعلا كبيرا مع جمهور الفريق.
من ناحية أخرى أحيا فريق "كايروكي" حفلا غنائيا في الساحل الشمالي عقب طرح ألبوم "سوبرنوفا"، وتضمن الحفل عددا من المفاجآت ومنها انضمان النجوم طارق الشيخ، عبد الباسط حمودة، ومروان بابلو وغيرهم.
اقرأ أيضا:
سوزان نجم الدين تلفت الأنظار بإطلالة "ريترو عصري" في اجتماع اتحاد الإعلاميين العرب
أميرة أديب تكشف سبب ارتدائها لملابس مستعملة: أنا غنية مش غبية
مصطفى حجاج عن جدل الفيديو العفوي مع أحمد سعد: ليه قلة الأدب في الكلام
بعد سقوطه على صخرة ... مصطفى كامل يكشف حالته الصحية
لا يفوتك: فنانات مش هتسمع اسمهم في أي مشكلة: مي عز الدين وغادة عادل وصبا مبارك
لا يفوتك:
بشرى وسوسن بدر في لحظة اندماج مع أنغام في الساحل الشمالي😍
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz>