أميرة أديب تكشف سبب ارتدائها لملابس مستعملة: أنا غنية مش غبية

نهال ناصر | فى حياة المشاهير

أميرة أديب

الثلاثاء , 18 أغسطس 2026 - 15:00 | اخر تحديث: الثلاثاء , 18 أغسطس 2026 - 15:00

ظهرت أميرة أديب في فيديو نشرته عبر حساباتها في مواقع التواصل الاجتماعي وأوضحت أن هناك أكثر من سبب لاتجاهها لارتداء الملابس المستعملة.

قالت أميرة أديب: "سبب إنى بقيت اشترى لبس مستعمل هو نفس السبب اللى خلانى أبطل اشتغل فى البراند بتاعى، أنا واحدة بتهتم أوي بالبيئة وعرفت أن عندنا على الكرة الأرضية لبس يكفي 10 أجيال لقدام وأن دا بيضر البيئة، حسيت بإحساس وحش وحسيت إني حاطة إيدي في حاجة بتساهم في إضرار البيئة وقتها كان البراند بتاعي أكبر دخل عندي وكان ناجح بس فضلت حاسه بالذنب وكان لازم أخد قرار هل أفيد نفسي ولا أمشي ورا إحساسي اللي بيقولي إني بعمل حاجة غلط، ومش بقول إن أي حد بيعمل براند بيعمل حاجة غلط ومش عارفة في المستقبل ممكن أعمل براند تاني ولا لأ، أمي مكانتش مصدقة لأن الموضوع كان ماشي كويس، دا كان أول سبب الاهتمام بالبيئة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت أميرة أديب لتوضح الأسباب الأخرى: "أنا مش بحب اشتري حاجات كتير بس بحكم شغلي الممثلين هما اللي بيجيبوا لبس الشخصية بتاعهم، بمعني أنا أخدت في مسلسل 10 جنيه، الفلوس دي بشتري منها لبس الشخصية فجزء كبير من شغلي إن يبقى عندي مخزون لبس كل شخصية مختلفة وبتلبس حاجات مختلفة، اللبس المستعمل بيبقى أرخص ومميز".

نرشح لك: مصطفى كامل يهدد محمد رمضان بمنعه من الغناء في مصر

وأضافت: "وتالت حاجة أنه مش عيب ومش بتكسف من حاجة زي دي بستمتع أوي بحس أنه لعبة لما أدخل مكان مليان لبس ملوش أي علاقة ببعضه وأطلع بكام حاجة مكيفاني".

وأكملت أميرة أديب: " آخر حاجة إن أنا غنية مش غبية مش بشوف أن الموضوع عيب وأنك تجيب حاجة أرخص تشتغل بنفس الطريقة عيب بالعكس دا ذكاء، ودا مش معناه إني مش بقدر البراندات الكبيرة أو معنديش حاجات غالية أو مش هدفع في قطعة عجباني".

@amiraadeeb
Lets get real for a sec⭐️🧚🏻✨
♬ Whiskers and Morning Brew - zakisen

واختتمت أميرة أديب كلامها لتوجه نصيحة لمتابعيها: "وحاجة للناس الصغيرة اللي بتتفرج عليا مش عشان كل الناس اللي حواليك عندهم حاجة معينة لبس أو تليفون معين مش لازم تجيبوا زيهم عادي تكون مش شايف أولوية في شيء، عادي تجيب حاجة عشان شايف أنها أرخص، أروش بكتير أنك تبقى مختلف ونفسك".