أميرة أديب: مكنتش بستعطف الناس لما اتكلمت عن الاكتئاب وكانوا بيكتبولي موتي نفسك

نهال ناصر | فى حياة المشاهير

أميرة أديب

الأحد , 16 أغسطس 2026 - 15:20 | اخر تحديث: الأحد , 16 أغسطس 2026 - 15:39

أوضحت الفنانة الشابة أميرة أديب سبب ظهورها في فيديو تحدث فيه عن مرورها بفترة اكتئاب، مؤكدة أن هذا الاكتئاب لم يكن بفعل الانتقادات التي تتعرض لها بل لعوامل كثيرة مجتمعة.

وقالت أميرة أديب أن النقد لا يزعجها ما يزعجها هو وجود أشخاص بداخلهم كم كبير من الكره.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت خلال لقائها في برنامج on the road مع بلال العربي: "اللي ضايقني مش الانتقادات ولا التنمر من وأنا صغيرة وأنا مش مفهومة من وأنا صغيرة البنت اللي بتلبس اللي هي عايزاه وبتقول اللي عايزاه وأنا عندي أصحابي اللي فاهمني ومتقبلني، أنا في فترة في حياتي مريت بكذا تجربة وقعتني كان درس ورا درس حسيت إني فاتحة سنتر هيجوا ياخدوا دروس عندي، وكنت بتعب أوي عشان أقدم شيء فلاقي الناس بتشتمني، وناس من برا حطاني في مكانة عالية بس أنا اللي فارق معايا بلدي، كنت بتشتم كتير وكنت في علاقة مكانتش أحسن حاجة كان محسسني إني مش كويسة ومع الناس اللي بتكرهني صدقت إني مش كويسة ما أنا بني آدمة كنت متضايقة أن الناس مش بتحبي، أنا بحاول أقدم حاجة تخلي الناس تبتسم وتحب نفسها، كل حاجة بعملها هو شيء أنا حاسه بيه".

نرشح لك: التعليق الأول من ليلى أحمد زاهر بعد انتقادات حلقتها مع زوجها هشام جمال في AB Talks

وأكملت: "كان في سنتين هجوم كبير ومكنتش عايزة أظهر خالص كنت بخاف لما لقيت ناس بتقولي موتي نفسك وناس بتقولي إنتي قبيحة مع أن أنا مش فارق معايا، لما طلعت أتكلم عن الاكتئاب مكنتش بستعطف الناس دي كانت الحقيقة كنت بقول إني راجعة وعادي إن حد يجيله اكتئاب، وأنا مكتئبة كان نفسي أشوف حد بيقول إنه كان مكئتب وفاق منه، في فترة كنت مش بقبل شغل وقافلة على نفسي فكنت عايزة أقول إني تمام".

وأشارت أميرة أديب أن العمل في الوسط الفني كان سببا أيضا في اكتئابها قائلة: "الشغلانة كانت مأثرة عليا كنت بسمع كتير لازم تعملي مناخيرك والدور دا مش هنديهولك لو حطيتي فيلر هناخدك، ناس تقول لازم تبقي أنانية ولازم تبقي قليلة الأدب كنت بسمع حاجات عكس تربيتي وفطرتي وأكيد كنت بتأثر بيها".

اقرأ أيضا:

#شرطة_الموضة: أنغام بفستان لامع في جدة ... سعره يصل لـ493 ألف جنيه

إلهام شاهين وجومانا مراد وهاني رمزي وليلى علوي من بينهم … النجوم يجتمعون في سهرة بالساحل الشمالي

دخل المسرح بعربة حنطور وارتدى قناعا وتاجا … لقطات من حفل محمد رمضان في الساحل الشمالي

اتهمتها بالخيانة والخذلان ... نشوى مصطفى ترد على تصريحات ميار الببلاوي

لا يفوتك: فنانات مش هتسمع اسمهم في أي مشكلة: مي عز الدين وغادة عادل وصبا مبارك

لا يفوتك:
بشرى وسوسن بدر في لحظة اندماج مع أنغام في الساحل الشمالي😍

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz>