نبيل عيسى يحكي كواليس رحلته في أوغندا: التقى بقبيلة عمرها 80 ألف سنة يأكلون الغوريلا

نهال ناصر

نهال ناصر تاريخ النشر: الاثنين، 27 يوليو 2026 | آخر تحديث:

نبيل عيسى

حكى الفنان نبيل عيسى عن عشقه للسفر وسط الطبيعة واكتشاف كل ما هو جديد.

وخلال لقائه في بودكاست "شقة التعاون" مع حسام داغر، استعاد ذكريات رحلة قام بها في الغابات قائلا: "من شهرين كنت في أوغندا مع أستاذ محمود حميدة وصدقي صخر، روحنا حتة اسمها "بويندي" دي حدود الكونغو وأوغندا ورواندا، رحنا عملنا تتبع للغوريلا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع نبيل عيسى: "بتروح الغابة تمشي 3 ساعات جوا الغابة ومعانا 2 بأسلحة من الجيش دخلوا معانا، أستاذ محمود مجاش معانا بس إيمان بنته جات، الغوريلا حلوين أوي وأذكياء جدا أذكى مننا، وأخدت شهادة إني رحت عملت الموضوع دا لأن مفيش حد بيعملها نادر جدا أن حد بيعملها، شفت غوريلات في الغابة من غير قفص أو أي حاجة قعدنا مع العيلة قعدت يوم بصور بس فيديوهات للعيلة، لما دخلنا عليهم لازم صوتنا يبقى واطي ولابسين كمامات عشان منعديهومش ولا نتعدي منهم، وقبل ما ندخل للغوريلا نعمل صوت "نحنحه" وهو يرد بنفس الصوت، هما مش بياكلوا أي لحوم بياكلوا أعشاب وبيبقوا في غابة ممطرة مش أي غابة وسط شجر عالي جدا".

نرشح لك: #شرطة_الموضة: روبي بإطلالة صيفية مميزة في حفلها في الساحل الشمالي ... سعرها 72 ألف جنيه

نبيل عيسى في رحلة بأوغندا

وأكمل نبيل عيسي حكايته حول هذه الرحلة: "قابلنا قبيلة بقالهم 80 ألف سنة عايشين في الغابة، هما مش أقزام بس النمو بتاعهم صغر أوي عشان مبيشوفوش الشمس ولا الضوء، في عندهم 96 سنة وكلهم حجمهم صغير، وبياكلوا الغوريلا، في الثمانينات طلعوهم من الغابة عشان الغوريلا كانت هتنقرض وعملولهم محمية، بقالهم 40 سنة برا الغابة والأحفاد بدأ نموهم يكبر شوية عشان بيشوفوا الشمس، أنا شفت عالم تاني".

واختتم نبيل عيسى حكايته: "أنا بحب الحيوانات كلها كل الكائنات وبحب السفر جدا أنا بشتغل عشان أسافر واأقعد أنام في البيت مش بخرج هنا".

يذكر أن نبيل عيسى شارك في شارك في رمضان 2026 في مسلسل "فخر الدلتا" والمتر سمير" وإثبات نسب".