ياسر جلال: أنا أقل أجر بالنسبة لزمايلي

نهال ناصر | فى حياة المشاهير

ياسر جلال

الأحد , 26 يوليو 2026 - 11:27 | اخر تحديث: الأحد , 26 يوليو 2026 - 11:27

رد الفنان ياسر جلال على الانتقادات التي وجهت له بسبب حديثه عن حق الأداء العلني وقوله إنه يقدم مسلسلا واحدا في السنة وبالكاد يكفيه الأجر الذي يحصل عليه.

وقال ياسر جلال خلال مداخلة هاتفية ببرنامج "آخر النهار" مع تامر أمين: "أنا قلت كلمة على موضوع أجري والناس قالت إيه دا أنت بتاخد قد كده ومش مكفيينك، أنا عايز أقول حاجة أنا في زملاء ليا يتباهوا أن يقول أنا أعلى أجر في مصر، لا أنا أقل أجر بالنسبة لزمايلي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وردا على قول الإعلامي تامر أمين إن أجره 40 مليون جنيه قال ياسر جلال: "أربعين مليون!! أقسم بالله ربع التمن أزيد منه شوية عشان القسم، وأنا راضي دا كتير بس المشكلة أنا مش بعمل إعلانات وعندي مبدأ مش بروح برامج بفلوس، مش بعمل أفلام ومعنديش بيزنس".

نرشح لك: أحمد السعدني وهنا الزاهد وليلى علوي ونور النبوي من بينهم … النجوم في عيد ميلاد منة شلبي

وأضاف ياسر جلال: "الفلوس اللي باخدها في المسلسل دا أنا بعيش عليها طول السنة، بدفع حوالي 40% ضرائب، والباقي لما بجيب بدلة مش أقل من 100 ألف جنيه لما أروح مسلسل أجيب 10 بدل و10 بنطلونات ما دي فلوس لما أخد ولادي وأطلع في مكان هتضطر أقعد في مكان خاص، النجومية ليها تمن هو طبعا مبلغ كبير هو بيتصرف على أعباء الشغلانة، أنا بدفع الضرائب وبدفع الزكاة، أنا فلوسي مش ليا لأسرتي بنعيش كويس جدا وبنسافر برا مصر، الفنان عشان يحوش لازم يبقى عنده بيزنس".

يذكر أن ياسر جلال عرض له مؤخرا مسلسل "للعدالة وجه آخر".

المسلسل من تأليف عمرو الدالي وإخراج محمد عبد الرازق "مورو"، ويقوم بالبطولة ياسر جلال في دور فؤاد السرجاني، إلى جانب أروى جودة، محمد علاء، نور إيهاب، ومينا نبيل.

اقرأ أيضا:

شهيرة وأحمد ماهر وإسعاد يونس وأحمد عبد العزيز ضمن المكرمين في مهرجان المسرح القومي

رانيا وعمرو محمود ياسين وأبنائهما وهند عاكف وإيناس مكي ضمن حضور حفل افتتاح مهرجان المسرح القومي

حمادة هلال يكشف تفاصيل أغنية "كنت واحد من كتير" لدعم ذوى التوحد ويكشف موعد البومه الجديد

سوزان نجم الدين: اتجوزت صاحب خطيبي

لا يفوتك: سبب انسحاب منة فضالي من "عيلة عاملة عمايل" في سوريا

لا يفوتك: عشاق الأكشن ... 5 أفلام أكيد أكيد واحد منهم على الأقل هتشوفه أكتر من مرة ✋