حكى الفنان كريم قاسم عن مشاركته في مسلسل "مناعة" موضحا أنه تحمس للدور كثيرا وبسببه اعتذر عن عدم المشاركة في مسلسل آخر مع نجم كبير.
وأوضح كريم قاسم أنه تم تغيير نهاية شخصية "منعم" في مسلسل "مناعة" وحكى خلال لقائه في برنامج "قبل ما تفطر بكتير" عبر إذاعة وقناة "نجوم FM": "غيرنا نهاية الشخصية 4 مرات كان في البداية أنه هيموت في الحادثة بس أنا قلتلهم لأ، مينفعش يموت تطور الشخصية هيتوب أو هيتغير، وفي الآخر كان القرار مشترك بيني وبين أستاذ حسين المنباوي وعمرو الدالي، ولو كان عندنا وقت أكتر كان ممكن النهاية تكون غير كده، إحنا كنا مضغوطين جدا وصورنا لحد يوم 12 رمضان، كان في مشهد حادثة مكتوب بس مصورناهوش مكنش في وقت".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع ليحكي عن مشاركته في المسلسل:""ترشيحي لمسلسل "مناعة" كان صدفة، المنتجة دينا كريم كلمتني هي كان معاها مشروعين تانيين "صحاب الأرض" ومشروع تاني مش هقول اسمه كنت هشارك فيه مع نجم كبير جدا وكنت متحمس جدا للفكرة وخلاص دا المسلسل اللي هقدمه، وفجأة قالولي معانا مسلسل هند صبري، لما سمعت اسم هند صبري اتجننت وعرفت أنها راجعة في رمضان وهقدم دور أخوها وفي فترة الثمانينيات، وأنا كنت خلاص بحضر للمسلسل التاني".
وتابع كريم قاسم: "قريت حلقتين من مسلسل "مناعة" عجبني جدا ومكنتش عارف أعمل إيه، في المسلسل التاني كنت هاخد أجري كامل، هنا قالولي عشان مشروع كبير مش هعرف أخد الأجر الكامل، بس حسيت أن المشروع مع أستاذ حسين المنباوي مش هينفع أفوت الفرصة دي مع مخرج عبقري، شخصية "منعم" مش شبهي ومعملتش أدوار زيها، عملت شخصية الحرامي وفي منطقة شعبية في "ولاد رزق" بس دا سينمائي أكتر".
وعن تحضيراته للشخصية: "الشخصية في الأول كنت تايه جدا وقعدت أدور في الأفلام والمسلسلات عن شخصيات شبه شخصيات الحرامي في الثمانينيات بس مفيش حاجة فيهم حسيتها، أنا كنت متوتر لدرجة أني هعتذر وأرجع للمسلسل التاني بس أستاذ حسن المنباوي ساعدني في التحضير للشخصية ".
مسلسل "مناعة" بطولة هند صبري، أحمد صلاح حسني، أحمد خالد صالح، ومها نصار، ومحمد علي رزق، ورياض الخولي، فكرة عباس أبو الحسن، وتأليف عمرو الدالي، وإخراج حسين المنباوي.
اقرأ أيضا:
أحمد العوضي يرد على المنتقدين: محدش يقدر يضايفني
محمود عزب: لولا تدخل محمد سامي كان مسلسل "الست موناليزا" مخرجش ... أنقذ الموقف
عبير صبري: بخاف من رامز جلال ولسه معملتش عمليات تجميل
"وداعًا سميح الجلاد" … فتحي عبد الوهاب يودع شيطان "المداح"
بيتر ميمي يرد على كابتن إيلا بعد تعليقها على مسلسل "صحاب الأرض"
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5