محمود زيان
تمكن برنامج "الكاميرا الخفية" من حجز مكانا ضمن الأكثر مشاهدة في رمضان 2026، يتحدث الجمهور عن عودة البرنامج والفريق الجديد المكون من مجموعة من الشباب تمكنوا جميعا من لفت الأنظار.
وواحدة من الفقرات المهمة في البرنامج فقرة الـAI، عندما يقوم النجم الضيف بتمثيل مشهد ويسأل تميم يونس مخرج البرنامج مهندس الـAI ويخبره قائلا "AI not good ساقط تعبير وجه ومنصة" وهي اللحظة التي تغضب النجم كثيرا.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
ويقدم دور مهندس الـAI الممثل الشاب محمود زيان، وتواصل FilFan.com معه ليعرفنا بنفسه وعن تجربته في البرنامج وصله قرابته بالنجم الراحل سيد زيان.
نرشح لك: هالة فاخر: فيه أعمال ندمانة عليها بعد مشوار فني طويل ووافقت بسبب الاحتياج المادي
في البداية تعرفنا على محمود زيان الذي أخبرنا عن نفسه قائلا: "أنا درست حقوق إنجليزي في جامعة عين شمس، ووالدي عنده مكتب محاماة بعد التخرج اشتغلت فيه ولحد دلوقتي، لكن حلمي طول عمري إني أكمل مسيرة جدي سيد زيان الله يرحمه وأدخل مجال التمثيل لأن طول عمري بحب الضحك والكوميديا، جدو هو اللي زرع في دماغي فكرة التمثيل من وأنا صغير كان شايفني مناسب للتمثيل".
محمود زيان وجده الفنان الراحل سيد زيانوسألنا محمود زيان كيف جاءت مشاركته في برنامج "الكاميرا الخفية" وقال: "أخدت ورشة تمثيل مع مروة جبريل وبدأت الطريق من أول خطوة، رغم أن والدي يعرف منتجين وممكن يساعدني لكن هو عايزني أخد الطريق من الصفر، أنا مش عايز أطلع على حس أن جدي سيد زيان، مروة جبريل قالتلي أن في دور ارتجال وعايز ممثل عنده سرعة بديهة لأننا بنتحط في موقف مفيش إسكريبت حسب كل ضيف فلازم نكون جاهزين، رحت عملت "أوديشن" كان موجود تميم يونس والمخرج أحمد عساف، والحمد لله أخدت الدور، كانت أول مرة أنزل موقع تصوير في الأول كنت لسه جديد ومش فاهم بس هما كان عندهم صبر وشجعوني وساعدوني هما ناس محترمين جدا".
محمود زيان ومروة جبريلوكشف محمود زيان أنه أخفى كونه حفيد النجم الراحل سيد زيان حتى لا يتم معاملته بشكل مختلف أو يشعر أنه دخل المجال بالواسطة قائلا: "وأنا في التصوير مكانوش عارفين إني حفيد سيد زيان إلا في أواخر الحلقات عشان ميبقاش في أي واسطة، كنت أقدر أدخل بواسطة لكن لما أبدأ الطريق بنفسي ولما أعلم مع الناس وبعد كده يعرفوا إني حفيد سيد زيان دا أحلى".
وحكى محمود زيان لنا عن دوره في المقلب وكيف يستفز الفنانين قائلا: "أي ممثل أكتر حاجة يكرها أن حد يعدل على أدائه ممكن نتقبلها من المخرج، لكن يطلع فجأة مهندس AI ويقول مش عاجبه، وأنا عايش جوه الدور قاعد طول الحلقة باصص قدامي ومركز أوي مع التصوير".
وسألنا محمود زيان عن كواليس الحلقات وما أصعب حلقة بالنسبة له وأكثر حلقة يحبها وقال لنا: "أصعب حلقة بالنسبة ليا كانت محمد لطفي كنت قلقان من رد فعله، وأكتر حلقة بحبها كانت حلقة محمد ثروت إحنا كنا خايفين حد فينا يضحك ونبوظ المقلب من كتر الإفيهات اللي بيقولها حتى في عصبيته وفي الخناق، أكتر حاجة مكانتش متوقعة لما الضيف بيبقى هيمشي دي أصعب لحظة وفريق الإنتاج وتميم بيتدخل في فنانين كتير كانوا بيتضايقوا من فقرة AI وبيقرروا يمشوا وإحنا بيبقى لسه في فقرة كمان كان في ساعات لما تميم والمخرج أحمد عساف يلاقوا الضيف اتضايق يقولولي فيبقى خلاص نعدي ونقول AI good، تميم يونس كان ذكي بيشوف الضيف يستحمل إيه وميستحملش إيه فنخلي الضيف يتعصب تدريجيا".
محمود زيانوأكثر ما لفت انتباه الجمهور هو نهاية كل مقلب وكيف يتم الكشف للفنان عنها وسألنا محمود زيان كيف يتفقون على نهاية كل مقلب وقال: "نهاية كل مقلب بنعمل فيها تغيير عشان الجمهور ميزهقش، مرة ممكن نفضل نعيد المشهد كذا مرة، وبنبقى متفقين في البروفات يعني تميم مثلا يقول لو قلت كلمة كذا هنعمل كذا وكلنا بننسق مع بعض كل الممثلين بيبقوا عارفين هنعمل إيه، إحنا تيم كامل متناغم، دايما بيبقى عندنا كذا خطة عشان رد فعل الضيف".
وعبر محمود زيان عن سعادته بردود فعل الجمهور على البرنامج ودوره فيه قائلا: "مصدقتش إني طلعت "تريند" الدور كلمتين بس الحمد لله، بشكر ربنا جدا على رد فعل الناس وبدعي دايما أنها تكون بداية موفقة لحاجات تانية".
محمود زيان من برنامج الكاميرا الخفيةوبدأ محمو زيان مشواره ببرنامج كوميدي وجده هو واحد من نجوم الكوميديا في مصر فهل سيختار طريق الكوميديا في مشواره، وأجاب على هذا السؤال قائلا: "مش هقفل نفسي في الكوميدي أنا لازم أثبت نفسي في كل الأدوار، أنا بحب الكوميدي لكن لما روحت الورشة مع مروة جبريل بدأت اشتغل على جزء التراجيدي، مشهد التخرج بتاعي كان تراجيدي والناس عيطت فيه، أنا عايز أثبت إني ممثل في الأكشن والتراجيدي والكوميدي".
وكشف محمود زيان لنا عن أكثر الأعمال التي يحبها لجده الراحل سيد زيان: "بعشق مسرحية "العسكري الأخضر" وفيلم "المتسول" مع الأستاذ عادل إمام وبحب أغانيه صوته جميل جدا في المواويل".
اقرأ أيضا:
طارق لطفي: السوشيال ميديا سلاح ذو حديين والنجاح الحقيقي يظهر بالشارع والجمهور هو الحكم
إسلام ضحية نرجس بنت إبليس: حياتي مدمرة من سنين ونفسي أشوف أهلي الحقيقيين
سلوى عثمان: ندمانة على مشاركتي في "أب ولكن" ... الكواليس ماكنتش حلوة
منة فضالي تنفي خلافها مع ياسمين عبد العزيز: بحبها جدا ومبتعملش مشاكل
بيتر ميمي يرد على كابتن إيلا بعد تعليقها على مسلسل "صحاب الأرض"
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5
أحمد فهيم: ياسمين صبري أبهرتني بتعاملها وتواضعها مع الكل في فيلم "نصيب"
أحمد فهيم: أنا من أشد المعجبين بأداء هند صبري ... وتشرفت بالشغل معها في "مناعة"
فيديو - أحمد فهيم: محمد إمام صاحب فضل علي بعد ربنا ودعمني كتير في مشواري الفني
فيديو - أحمد عزمي: أزمتي غيرتني بالكامل ... حطيت قدامي آدم ابني
فيديو - أحمد عزمي عن أصعب مشاهده في "حكاية نرجس" و"ظلم المصطبة": إطلاق اللحية ساعدني على الاندماج نفسيا
عالم "La casa de papel " مستمر … هل يتم تقديم موسم جديد من مسلسل "البروفيسور"؟
الفنان محمود عوض يكشف تفاصيل مشاركته في "الطريق الأخير"
سلمى أبو ضيف: تعلمت رقص "الباتشاتا" من أجل فيلم "إذما"
"فرصة أخيرة" ... حينما تسرق تبريرات "الشر" هيبة "الخير" وتمنح البراءة للمجرم
رحلة "آخر المعجزات" في 17 يوما ... 3 جوائز من "مالمو" و"عنابة" و"الإسكندرية للفيلم القصير"
محمد لطفي: كنت هفقد صوتي بسبب فيلم "كبارية"
داليا مصطفى: انتظروني في فيلم كوميدي مع محمد هنيدي
محمد طاهر: الدراما والسينما أصبحتا وسائل مؤثرة لتوعية المواطنين بالمخاطر الرقمية
انتهاء تصوير فيلم "طه الغريب" لحسن الرداد وتارا عماد
إياد صالح: البطولة مبقتش محتاجة 16 فيلم وكزبرة موهوب وذكي والهجوم عليه فكرة معلبة
"الصحفيين" تبدأ تنفيذ ضوابط تغطية الجنازات
"الإعلاميين": منع ظهور تامر عبد المنعم لمدة أسبوع بعد مثوله للتحقيق
تعرف على دور عمرو القاضي في فيلم "أسد"
يرأسها بارك تشان ووك ... مهرجان كان يكشف عن لجنة تحكيم 2026
"ثيلما ولويز" تتصدران بوستر مهرجان كان 79
#شرطة_الموضة: غادة عبد الرازق بفستان Polka Dots قصير ... سعره 52 ألف جنيه
أحمد فهيم: ياسمين صبري أبهرتني بتعاملها وتواضعها مع الكل في فيلم "نصيب"
ياسمين الخطيب بفستان لامع مكشوف الكتفين في جلسة تصوير جديدة احتفالا بعيد ميلادها
" أنا راجل متواضع جدا" … عمرو دياب يكشف سبب اتهامه بإحراج يسرا بعد تكرار نفس الموقف