أحمد العوضي: عمري ما قلت إني سنجل

نهال ناصر

نهال ناصر تاريخ النشر: الاثنين، 22 ديسمبر 2025 | آخر تحديث:

أحمد العوضي

تحدث الفنان أحمد العوضي عن البث المباشر الذي ظهر فيه وأثار جدلا كبيرا بسبب تصريحاته، ومنها عن زواجه.

وقال أحمد العوضي خلال لقائه في برنامج "صاحبة السعادة" مع إسعاد يونس: "أنا عمري ما قولت إني سنجل، أنا مش سنجل وقولت في اللايف إني هتجوز، اللايف دا عمل مشاكل كتيرة جدا أنا عملته يوم عيد ميلادي وأقداركم من أفواهكم، أنا عارف أنا بقول إيه ومدرك أنا بقول إيه مش بقول كلام وأرجع اعتذر، اللايف دا ضايق ناس كتير بس مش إخواتي، أنا عايش في عالم العوضي وإخواته دايما كلامي موجه لإخواتي لا اتعرض بإهانة لأي حد برا العالم دا وبسيب اللي يتكلم يتكلم".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد العوضي

وأكمل أحمد العوضي: "أنا بقول أمنية عشان ربنا يحققهالي هو أنا لما أقول عايز اتجوز وأجيب ولد هو أنا غلطت في حد؟ دي سنة ربنا أنا مش هفضل أحمد العوضي قوي البنيان أكيد هكبر وأبقى عايز يبقى عندي عيل صغير اسند عليه".

طالع أيضا: أحمد خالد صالح يساند هنادي مهنا وريهام عبد الغفور مع زوجها ومحمد سلام وتامر عاشور في عرض "خريطة رأس السنة"

وتابع أحمد العوضي متحدثا عن أمنيته في إنجاب طفل وكيف سيقوم بتربيته: "زي ما أبويا علمني هربي ابني لأن الصدق والمبادئ والرجولة مش بتتغير، الأصول مش بتسقط بالتقادم أه الزمن اتغير وطريقة التربية اتغيرت لكن اللي اتربيت عليه في الرجولة لازم ابني يتعلمها عشان يطلع حلو مش حلو المنظر يطلع واد راجل لازم عشان يطلع راجل يتعلم اللي أنا اتعلمته".

وكان أحمد العوضي ظهر في بث مباشر عبر صفحته على Facebook احتفالا بعيد ميلاده وأخبر جمهوره أنه في العام القادم سيحتفل معهم بعيد ميلاده في وجود زوجته وفي العام التالي سيكون معه ابنه.