أحمد العوضي: الطلاق ربنا شرعه ... اللي ماسك الريموت ومستني أتكلم يبقى أقفل واتكل على الله

مي جودة | فى حياة المشاهير

أحمد العوضي

الاثنين , 22 ديسمبر 2025 - 00:12 | اخر تحديث: الاثنين , 22 ديسمبر 2025 - 00:12

رفض الفنان أحمد العوضي التعليق على الجدل المثار حول تصريحات النجمة ياسمين عبد العزيز في حلقتها مع الإعلامية منى الشاذلي.

قال أحمد العوضي: الموضوع خلصان من سنتين فما انتهى قد انتهي، وأنا اسمي لم يذكر بشيء عشان أرد عليه، أنا اتذكر اسمي قدامك بالخير فأنا رديت بالخير، وأنا لا أحترم الراجل اللي بيتكلم عن علاقة بعد ما خلصت، ومينفعش أغير كلامي لأني طالع من بيت راجل، وأي علاقة انتهت مينفعش تذكرها غير بالطيب ده إذا ذكرت، والناس بتخلط بين المشاعر الإنسانية وشرع ربنا، ربنا حلل الجواز والطلاق"، وذلك حسب تصريحاته في برنامج "صاحبة السعادة" الذي تقدمه النجمة إسعاد يونس.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف أحمد العوضي: الطلاق ربنا شرّعه علشان هو مش ظلم، والنهاردة الناس عهدوا من أحمد العوضي الأصل، وأنا معروف إني راجل جدع، واللي ماسك الريموت ومستني أحمد العوضي يتكلم يبقى أقفل واتكل على الله اللي أنت عاوزه مش عندي.

واستكمل أحمد العوضي، حديثه عن طلاقه: أنا راجل بكن كل الاحترام والتقدير لأي ست دخلت حياتي، وخاصة لو كانت زوجة.

وأكد أحمد العوضي أنه بخير طالما يقدم أعمالا فنية، قائلا: "أنا كويس نفسيا طول ما المكنة شغالة كويس في الشغل، وبعد الانفصال اخترت السكوت، ليه النَّوش ده بقي، والموضوع انتهى من عامين، وانتهي بالطيب، مش بغير كلامي حسب المود ولا اغير كلامي ومش بحب اللك، وماينفعش اغير كلامي لانه نابع من تربية والدي الرجل الطيب، وانا مش متهم علشان ارد".

يذكر أن ياسمين عبد العزيز تزوجت من أحمد العوضي عام 2020، بعدما نشأت قصة حب بينهما في كواليس مسلسل "لآخر نفس"، وأعلنا طلاقهما في يناير 2024.

اقرأ أيضا:

حصاد 2025- 32 فيلما مصريا تم طرحها في السينمات... عودة للأفلام العائلية والرومانسية وقليل من الكوميدي

بررت خيانة فاروق الفيشاوي لها وانفصلت عنه بسبب الإدمان وندمت على عدم الاعتراف بحفيدتها وعانت من السرطان لسنوات … 24 معلومة عن سمية الألفي

نيللي وعبير صبري وكارولين عزمي من بينهم ... نجوم الفن في حفل مهرجان "الأفضل"

أحمد العوضي: مش محتاج أطلع إشاعات للدعاية لأعمالي وأنا فعلا الأعلى أجرا بالأرقام

لو فاتك: وداعا سمية الألفي .. صاحبة قصة حب معرفهاش الوسط الفني قبل كده

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5