غادة إبراهيم: بدعي ربنا بالزوج الصالح اللي لما أعجز ميملش من شكلي ويقولي تعالي نعمل بوتوكس

نهال ناصر

نهال ناصر تاريخ النشر: الاثنين، 17 نوفمبر 2025 | آخر تحديث:

غادة إبراهيم

كشفت الفنانة غادة إبراهيم عن الصفات التي تحبها والزوج الصالح من وجهة نظرها.

وقالت غادة إبراهيم خلال برنامج The Blind Date Show: "مش بحب الراجل الضعيف بحب الراجل القوي قد ما بحترمه ومش بخاف منه لكن بخاف على زعله، ولما بصلي بقول يارب أرزقني بالزوج الصالح دا مش بس أنه يعرف ربنا وبيتقي ربنا فيا وبيصرف عليا ويبقى أمان لأ الزوج الصالح لما أعجز ميملش من شكلي لما أكبر مخبيش شعري الأبيض منه يقولي تعالي نعمل بوتوكس، حاببني في كل حالاتي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأكملت غادة إبراهيم: "يهمني الراجل يكون لذيذ ورومانسي وبيعامل الست حلو بس في نفس الوقت عايزاه يكون شرقي، لو قالي متقعديش على البحر بمايوه مش هقدر أفتح بوقي".

نرشح لك: مروة صبري تعتذر لدينا الشربيني بسبب وصفها بـ"خرابة البيوت" - فيديو

غادة إبراهيم

وأضافت: "بحب في الراجل أنه يكون بيعرف ربنا قد ما هو متفتح وبيسافر وبيروح وبيجي، ويكون بيصلي أول حاجة هنتحاسب عليها هي الصلاة يعني ممكن ألبس على الموضة وأسافر معاه وأروح البحر بس عايزاه يصلي، الراجل اللي بيصلي هيجي يقولي متلبسيش اه مش هلبس مفتوح ولو عايزني اتحجب هتحجب لما يجي وقت الحجاب ويوم ما هلبسه مش هقلعه لأنه هيبقى عن قناعة، فهصلي وهلبس على الموضة لغاية ما ربنا يهديني".