مروة صبري تعتذر لدينا الشربيني بسبب وصفها بـ"خرابة البيوت" - فيديو

مي جودة | فى حياة المشاهير

مروة صبري ودينا الشربيني

الاثنين , 17 نوفمبر 2025 - 01:11 | اخر تحديث: الاثنين , 17 نوفمبر 2025 - 01:11

اعتذرت مقدمة البرامج مروة صبري للنجمة دينا الشربيني عن التصريحات المسيئة لها بسبب شائعات ارتباطها بالنجم كريم محمود عبد العزيز.

قالت مروة صبري في فيديو نشرته عبر حسابها بتطبيق Instagram: "في برنامجي (قعدة ستات) في فقرة بنتكلم فيها عن تريندات الأسبوع، سواء كانت خاصة بفنانين أو أخبار مهمة شغلت الناس، في الحلقة اللي فاتت أنا اتكلمت عن تريند تناول النجمة الفنانة دينا الشربيني وكان محور اهتمام السوشيال ميديا كلها، والحقيقة إني غلطت ومش عيب أبدا لما نغلط نعتذر، وطبعا دا وصلني من ردود أفعال كتير سواء كان من المقربين مني أو من جمهور دينا الكبير اللي بيحبها في مصر والوطن العربي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت مروة صبري: ورغم إني مقصدتش أبدا الإساءة لها، ومكنش عندي سوء نية أبدا، لكن المؤكد إن الشجاعة الأدبية بتستوجب إني اعتذر لدينا عن أي إساءة، وقبل كل دا لازم أقول إني بحترمها وكمان من معجبيها، وأخيرا أنا شوفت إن الفيديو دا من واجبي إني اعمله احتراما لمهنتي ولنفسي وكمان لجمهور برنامجي، واحتراما وحبا وتقديرا لدينا والملايين من جمهورها، دينا أنا بعتذر بجد وحقك عليا وطبعا خالص الشكر لسيادة المستشار أشرف عبد العزيز".

Visualizza questo post su Instagram

Un post condiviso da Marwa Sabry (@marmorysabry)

وكانت مروة صبري قالت في برنامجها عن دينا الشربيني: "أنا عندي شوية أسئلة لدينا الشربيني ضاقت بيكي الدنيا وسيبتي كل رجالة الكون اللي مش متجوزين وروحتي للراجل اللي متجوز اللي بيحب مراته وولاده ومرتبط بيهم، ودي مش أول مرة أنتي اسمك دايما مرتبط أنك طول الوقت على علاقات برجالة متجوزين أي حد بيتشتغلي معاه بيطلع إشاعة أنه دينا على علاقة بفلان بدون ذكر أسامي، انتي دايما بتروحي تشوفي مين الراجل المتجوز وتخربي بيته لدرجة أنك للأسف الشديد أخدتي لقب "خرابة البيوت".

أكملت: قررتي أنك تاخدي الراجل من مراته وتعيشي معاه قصة حب والموضوع باظ والناس كلها اتكلمت، لأ رجعتيه تاني باسم "الهنا اللي أنتوا فيه" الصراحة كان فيلم وشه وحش على كريم وبيته وولاده، الهنا اللي أنتوا فيه تحول أن كريم بيطلق مراته عشان يتجوزك وأنتي بالنسبة ليكي الموضوع عادي جدا ومش فارق معاكي، طيب هنقول أنك بتحبيه ومش قادرة تبعدي عنه مفكرتيش أنك بتبني سعادتك على تعاسة وقهر ست تانية مفكرتيش تحطي نفسك مكانها مفكرتيش في ولاده اللي بيدعوا عليكي وبيشتموكي قدام السوشيال ميديا كلها، ولا أي حاجة هزتك من جواكي، الإنسان اللي بيحب الرومانسي العاطفي بيفكر في اللي حواليه مبيبقاش أناني أنا هاهد الراجل دا من بيته ومش مهم البيت يخرب، دا اللي أنتي عملتيه كسبتي عداوة الجمهور كل الناس بتتكلم عنك بشكل غير لائق والناس بقت بتكرهك لأنك خربتي بيت ومفيش حد قادر يسامحك أو متعاطف معاكي، أنا معرفش ليه عملتي كده مش من قلة الرجالة أنتي عندك مساحة أنك تتجوزي أي حد أنتي فنانة حلوة ودمك خفيف تقدري أنك تحبي أي حد الموضوع موقفش عند الراجل المتجوز، مش تحدي أنك تنتصري على مراته في حين أن هو مش حقك أصلا، هتقولوا الراجل هو الصح وهي غلط، حتى لو هو غلط ورجعك للعلاقة دي تاني اسحبي نفسك أنتي ست المفروض تحسي بالست اللي زيك إنما جو كيد الستات دا أنا مش قادرة أصدق داخله معركة عايزة تكسبيها".

وأكملت: "ناس كتير بتقول الراجل بيتخطف مفيش راجل بيتخطف بيروح بمزاجه، اللي يقرر يخرب بيته بإيده بيغير مود مع زن الست التانية اللي هي دينا الشربيني اللي عايزة تتجوز ودا اللي حصل".

وأضافت: "الهجوم كله للأسف اتاخد على دينا مش كريم والناس متعاطفه معاه لأنهم شايفين أنك مسيطرة وبتزني عشان يرجعلك، انتي تعلمي أن بيته اتخرب بسببك وبتكرري التجربة ووصلتي بنته أنها تطلع تشتمك عايزة إيه تاني، كلمة زي دي كفيلة أنك تاخدي بعضك وتمشي، وأنا بقولك أهو أول ما تتجوزوا رسمي هتمشي ومش هتكملوا واللي كسبتيه عداوة الجمهور وبناته".

وأكملت: "أنا كريم رغم إني بقول أن مفيش راجل بيتخطف، لكن هو صعبان عليا مين عارف مش يمكن معموله عمل ولا سحر محدش عارف حاجة، كل الناس اللي بتحب كريم محمود عبد العزيز أقفوا جنبه شدوه من المصيبة دي، ويا دينا الشربيني اتقي ربنا كفاية اللي عملتيه وبتعمليه ومتعرفيش اللي جاي عليكي هيبقى عامل إزاي".

وكانت دينا الشربيني قررت مقاضاة مروة صبري على تصريحاتها، وأصدرت قناة "ألفا" العارضة للبرنامج بيانا تؤكد أن ما قيل عبر الشاشة مجرد رأي مروة صبري وليس القناة.

اقرأ أيضا:

فيديو - أجواء الأزمة تسيطر على زينة وأبطال "بنات الباشا" في البرومو الرسمي للفيلم

كارول سماحة تحصد جائزة "الفن والصمود" في باريس

خالد النبوي ويسرا وحسين فهمي يحضرون عرض فيلم "المهاجر" بمهرجان القاهرة السينمائي

الصور الأولى لـ مي عز الدين من شهر العسل

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5