أحمد عز: والدي عاقبني بعد دخولي الفن وقعدت سنة ونص من غير شغل بعد "مذكرات مراهقة"

أحمد حتحوت

أحمد حتحوت تاريخ النشر: الخميس، 14 مارس، 2024 | آخر تحديث: الخميس، 14 مارس، 2024

أحمد عز يتحدث عن أول مرتب له

حكى الفنان أحمد عز عن تفاصيل دخوله لعالم التمثيل وردود أفعال أهله ومديره في عمله الأسبق، بما في ذلك عقاب من والدته.

قال أحمد عز في حواره مع عمرو أديب على بودكاست "بيج تايم": "أبويا كان شغال في البترول وكان متوقع إنني هشتغل زيه بس أنا لما اتخرجت اشتغلت في الفنادق كموظف استقبال في فندق موفينبيك الهرم وبعدها نفلونس في المبيعات وأنا عندي 25 سنة ومرتبي كان 7500 جنيه سنة 1995".

وأثناء عمله كموديل كوظيفة جانبية، حصل أحمد عز على عرضا لا يمكنه رفضه، إذ كشف: "إيناس الدغيدي اختارتني عشان مذكرات مراهقة ومكنتش أستحق البطولة خالص وقتها، فقلتلهم في الفندق عايز أجازة شهرين عشان أعمل الفيلم وأرجع، ومديرتي رفضت وقالت اختار بين الاتنين. رحت استقالت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

غضب والد أحمد عز من تصرفه، إذ أوضح الممثل: "أبويا لما سمع الخبر ساب الأكل. وبعد "مذكرات مراهقة"، قعدت سنة ونص مبيجيليش شغل، فقعدوا يتغطوا عليا عشان أرجع الفندقة وبابا عاقبني وأصدر أمر إن محدش في البيت يديني فلوس".

صدر فيلم "مذكرات مراهقة" عام 2001 وهو من بطولة هند صبري، أحمد عز، محمد رجب، شمس، سلوى محمد علي، إنعام الجريتلي وغيرهم.

يذاع "بودكاست بيج تايم" على قناة MBC يوميا في شهر رمضان.