هشام عاشور يرد على تصريحات باسم سمرة: قلبه أبيض واتاخد على خوانة

مي جودة | فى حياة المشاهير

هشام عاشور ونيللي كريم وباسم سمرة

الأربعاء , 13 مارس 2024 - 19:52 | اخر تحديث: الأربعاء , 13 مارس 2024 - 19:54

وجه الفنان هشام عاشور رسالة للنجم باسم سمرة بعد تصريحاته عنه وعن زوجته النجمة نيللي كريم، خلال حلوله ضيفا في برنامج "رامز جاب من الآخر"، مع النجم رامز جلال.

أنا عارف ان الناس كلها عمالة تبعت والناس كلها بتحب الـ Action، تموت وتتفرج على اتنين بيموتوا بعض، عشان أرد بس على القصة بتاعت أستاذ باسم سمرة، دا رجل ممثل محترف ورجل لطيف جدا وقلبه أبيض، وجدع وأنا عن نفسي بحبه جدا، وأتمنى أشتغل معه في يوم من الأيام".

وتابع: هو من الآخر اتاخد على خوانة، التاني قاله أنا أخوك، أنا حبيبك تعالى بس نقعد مع بعض، واحنا خارج التسجيل، وهشام عاشور ونيللي كريم، والتاني بيعلي الإفيه بكلمتين ساعات وانت دمك خفيف بتعلي الإفيه عادي يعني، وصورها ونزلها، تخيل أنا قاعد مع أخويا بنتكلم عن ابن خالتي، أو حد قريب مننا وبنقول مثلا دا مراته كذا دا حصل كذا، عادي بنتكلم في موضوع بتحصل يعني، يقوم مصورني أخويا ومنزلها في كل حتة ومخلي منظري وحش.

وأضاف: يعني بصراحة قمةـ مش عارف أقول ايه بيئة جدا وصفيقة جدا، ورخيصة جدا، الله يكون في عونك يا معلم، يعني هو دا الضحك هتجيب فلوس كدة؟ الدم الخفيف مفهوم، يعني دا لا دم خفيف ولا لذاذة، معرفش، الله يكون في عونك وزعلان منك.

View this post on Instagram

A post shared by Hisham Ashour (@hishamashour1)

يذكر أنه في أولى حلقات برنامج "رامز جاب من الآخر" المذاع عبر قناة MBC مصر، دار حوارا بين مقدم البرنامج رامز جلال والفنان باسم سمرة، حول تصريح سابق له عن الفنانة نيللي كريم.

وقال باسم إنه صرح في السابق بأن نيللي كريم تعلمت منه التمثيل، مضيفا: "كان فيه دور وأنا كنت فرحان أوي إن إحنا هنشتغل راحت جايبة جوزها".

وعقب رامز جلال قائلا: "وجوزها بيمثل ليه أصلا"، وهو ما رد عليه باسم بقوله: "بتاع إسكواش".

وأضاف رامز مازحا: "يعني كان بيمرنها في التصوير؟"، ليعقب باسم سمرة: "إتجوزها وكان عايز يمثل فا بطل الإسكواش وعايز يمثل".

اقرأ أيضا:

تركي آل الشيخ يعلق على مسلسل "الحشاشين" ويكشف رأيه في استخدام اللهجة المصرية

شيرين عبد الوهاب: أقرب وأبعد الناس طلعوا خونة

مسلسل "بيت الرفاعي" الحلقة الثانية- أمير كرارة متهم بقتل والده

تامر حبيب يعترف: أبويا عقدني بموضوع التخن وخلاني قطعت هدومي

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5