حسن شاكوش يحسم الجدل حول علاقته بحورية فرغلي

مي جودة

مي جودة تاريخ النشر: الخميس، 20 يوليو، 2023 | آخر تحديث:

حسن شاكوش

رد مطرب المهرجانات حسن شاكوش على الشائعات التي ربطت بينه وبين النجمة حورية فرغلي، بعد تصريحات طليقته ريم سامي حول علاقته بفنانة تعاني من أزمة صحية وثالث حرف من اسمها "ر".

نشر شاكوش صورة لحورية فرغلي، وعلق كاتبا: "جمهوري الغالي كل معاني الشكر ليكم ولكل شخص متفهم الموقف وشاركني البوست، انا شفت معظم التعليقات ومحترم كل شخص وكل كلمة حتي لو هيا عكسية الحقيقه دائما عند ربنا وسكوتي وعدم ردي شيء مريحني اكثر من الكلام ولكن في شئ يخص فنانة جميلة كلنا بنحبها وبنحترمها وحقيقي انا لا اعلم صحة الكلام اللي بيتقال".

حسن شاكوش يرد على تصريحات طليقته ريم طارق: شغلنا معتمد على السمعة.. واللي كنت هقوله طليقها الأول قاله

حورية فرغلي وحسن شاكوش

وأضاف: من خلال صفحاتي الرسمية بحب اقول ان الفنانة حوريه فرغلي لا يمسني بيها اي شئ غير انها زميلة وصديقة عمل ومش فاهم سبب وجود سيرتها في الموضوع ايه من خلال البرامج، انا دلوقتي كلامي للإعلام ارجوكم بلاش تشاركوا الناس كلام غلط كفايه كلام في تفاصيل وحياة شخصية اللي ظاهر للناس يخص الناس.

ملخص تصريحات ريم طارق طليقة شاكوش: خانني في نهار رمضان مع ممثلة ثالث حرف منها "ر" ... والموضوع أكبر من خيانة بيعمل حاجة ماقدرش أشوفها

واختتم كاتبا: أنا دلوقتي بمتنع عن اي كلام في حاجه تخص حياتي الشخصية، ارجوا ارجوا احترام رغبتي مع احترامي لكل الصحافة المصرية ولكن الاخبار الغير حقيقية دي بتضعف موقفكم في يوم من الايام لما الحقيقه تبان كل الاحترام والتقدير ليكي يا فنانه يا كبيرة وبعتذرلك مرة اخري عن اي شئ اتحطيتي فيه.

وكانت ريم طارق صرحت في برنامج "90 دقيقة"، قائلة: "كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة".