ملخص تصريحات ريم طارق طليقة شاكوش: خانني في نهار رمضان مع ممثلة ثالث حرف منها "ر" ... والموضوع أكبر من خيانة بيعمل حاجة ماقدرش أشوفها

فى حياة المشاهير

ريم طارق في "90 دقيقة"

الثلاثاء , 18 يوليو 2023 - 11:59 | اخر تحديث: الثلاثاء , 18 يوليو 2023 - 12:24

ريم طارق: أنا تحملت ما لا يتحمله أحد، وبداية من رابع يوم جواز كل يوم أشوف قصة وموضوع" وأضافت ريم طارق: كفاية إني كنت مهددة أخرج من البيت معرفش أرجع ريم طارق: خلافاتنا كان مش زي خلافات أي زوجين، وحسن طيب وابن حلال وجده وشهم، وعلشان كده وافقت أتجوزه، لكن الشخص اللي شوفته في البيت حاجة تانية خالص وقالت ريم طارق: الموضوع مش خيانة، الموضوع أكبر بكتير، لكن إنسانيا ودينيا وأخلاقيا مش هقدر أقول، ومش هقدر أفضح بني آدم وأشيل ذنبه وقالت ريم طارق: أهله اتواصلوا معانا وقالوا تعالوا نقعد على كافيه علشان نطلقها وبابا قالهم أنا ليا بيت وزي ما أخدها من بيتي يجي يطلقها ولو بنتي غلطانة أربيها مرضيوش وأضافت ريم: عملت إثبات حالة إن حاجتي في البيت معجبش أهله ولما طلعت على السوشيال ميديا بعتلي وقالي انتي بتكتبي عالسوشيال دي لعبتي أنا هتسلى عليكي أنتي وأهلك عليها وقالت: بدءوا ينزلوا صور لينا واتكتب عليها كلام وحش واتوصفت بإني سبوبة واللي يدفع أكتر والحقيقة إن حسن مجابليش حاجة ومصرفش عليا جنيه وتابعت: في قائمة المنقولات، أمه رفضت تكتب قيمة القايمة وقالت نكتب الأوض وحسن عرض على أبويا يكتب المؤخر وصل أمانه وأبويا رفض.. كل اللي عمله حسن بسبب سر أنا اللي عارفاه ومش هقوله وتابعت: في حلقة "شيخ العرافين" أنا اتضحك علي وقولتوا ان الكلام اللي قاله عن جوازه عليّ غلط وطلع كل الكلام صح ريم طارق وحسن شاكوش وعن الانفصال: أنا اللي قررت أنفصل لأن حصل حاجة واجهته بيها وقال لي هي دي عيشتي وهي دي حياتي، قلت له مفيش بني آدم عنده العيشة دي، قلت له أنا آسفة مش هقدر أكمل الموضوع مش خيانة، لكن دي حاجة بتتعمل وأنا مجبرة أشوفه وهو بيعملها، مكنتش هقدر ومش هجازف بنفسي. وأضافت ريم: لما قلت له لازم ننفصل وهمشي قالي ممكن نتكلم لكني قلت له مضطرة أمشي وهبعت أهلي لو احتجت حاجة هيجبوهالي، وماخدتش أي حاجة إلا ترنج قالت ريم طارق: كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة ريم طارق: قعدت 30 يوم في شهر رمضان أشوف حاجات زي كده ومختلفة وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها وأضافت: كنا في رمضان وكان يبث لايفات وقال لي سأحصل على هدايا عبارة عن مبالغ من المال، وكان يقول لي يحرم عليا كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قالي إني اللي هتبرع، ولما اللايفات خلصت الموضوع اتنسى.. وأخد الفلوس". لم يصدر أي تعليق من حسن شاكوش حول هذا الأمر حتى كتابة الموضوع

حلت ريم طارق، طليقة المطرب حسن شاكوش، ضيفة على الإعلامية بسمة وهبة ببرنامج "90 دقيقة" المذاع عبر قناة المحور، في أول ظهور لها بعد إعلان طلاقهما رسميا.

ويعد هذا هو الظهور الأول لريم طارق بعدما كشف محمد أبو العلا، محامي المطرب حسن شاكوش عن تطور جديدة في أزمة شاكوش وزوجته ريم طارق، وهي الأزمة التي استمرت على مدى الفترة الماضية.

وقال أبو العلا إن حسن شاكوش قرر طلاق ريم طارق غيابيا وبشكل رسمي على يد مأذون، وجرى إثبات ذلك عبر مستند رسمي لدى نيابة أكتوبر، وذلك حسب تصريحاته لموقع ET بالعربي.

وتمسكت ريم طارق برفضها الكشف عن المشكلة الأساسية بينها وبين حسن شاكوش قائلة: "أنا تحملت ما لا يتحمله أحد، وبداية من رابع يوم جواز كل يوم أشوف قصة وموضوع"

وأضافت: "كفاية إني كنت مهددة أخرج من البيت معرفش أرجع".

وألمحت ريم طارق إلى علاقات حسن شاكوش المتعددة قائلة: "كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة.