حسن شاكوش يرد على تصريحات طليقته ريم طارق: شغلنا معتمد على السمعة.. واللي كنت هقوله طليقها الأول قاله

مي جودة

مي جودة تاريخ النشر: الأربعاء، 19 يوليو، 2023 | آخر تحديث:

حسن شاكوش

خرج مغني المهرجانات حسن شاكوش في فيديو على محبيه لأول مرة بعد ظهور طليقته ريم طارق في برنامج "90 دقيقة" للحديث عن تفاصيل طلاقهما.

وقال شاكوش في الفيديو: عارفين المشكلة اللي كانت بيني وبين الإنسانة اللي كانت مراتي وكنت ساكت جدًا والفترة اللي فاتت نزلت بوست على صفحتي، وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت، وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة".

ملخص تصريحات ريم طارق طليقة شاكوش: خانني في نهار رمضان مع ممثلة ثالث حرف منها "ر" ... والموضوع أكبر من خيانة بيعمل حاجة ماقدرش أشوفها

وتابع: شغلنا معتمد على سمعتنا واتجاهي واتجاه شغلي للبنات وللمجتمع بتاعي واللي بيحبني وكل اللي بيسمعني ناس محترمة، وليهم كل التحية والتقدير وما ينفعش أجيب سيرة واحدة وحش، وده اللي اتربيت عليه واللي أهلي ربوني عليه لأني من منطقة شعبية وراجل صعيدي، وما اتكلمتش مش خوف ولا ضعف ولكن علشان الإنسانة دي كانت مراتي ما بينفعش اتكلم في حاجة تمسني أو تمسها لأني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الألفاظ اللي سمعتها.

وأضاف: أهلي اللي اتشتموا على السوشيال ميديا وكنت بقول لهم محدش يتكلم، وكنت طول الفترة اللي فاتت في ضغط عصبي وفي عز المشاكل ما اتكلمتش، طلعت أوضح المعلومة وأني ليا حق الرد وأن زي ما الست المصرية عندها شرف وكرامة لازم نحترمها والراجل كمان عنده شرف وكرامة وبقول كفاية كده لازم لما تسمعوا من الطرفين وللأسف وصل بينا المرحلة أننا نتكلم في شرف الراجل وشرف الست واللي سمعته في حقي ما يرضيش ربنا.

واختتم قائلا: "أنا اتجوزت 55 يوم فقط، واللي كنت هتكلم فيه طليقها اتكلم فيها وقاله".

وكان طليق ريم طارق الأول صرح في برنامج "تفاصيل" عبر قناة "صدى البلد2": الصدمة أن هي تتجوز، هي عندها مرض لا يصح لها الزواج، هذا اكتشفته بعد فترة زواجنا، المرض ظهر عليها بعد شهرين من الزواج بها، وأهلها تواصلوا معايا وقالوا لي إنها مريضة ومش هتقدر تستكمل الزواج، أنا مقصرتش معها في أي شيء وكنت عاوز أساعد في علاجها، كنت أروح معها للدكتور ووقت انفصالنا اتقال أنها لا يصح لها الزواج.