بسمة داوود عن دورها في "إيجار قديم": لو ما كرهتنيش من قلبك أبقى مانجحتش ... وشخصية "ريهام" مش شريرة

محمد سلطان محمود

محمد سلطان محمود تاريخ النشر: الخميس، 22 ديسمبر، 2022 | آخر تحديث: الخميس، 22 ديسمبر، 2022

بسمة داوود

تحدثت الفنانة بسمة داوود عن ردود الفعل الغاضبة تجاه دورها في مسلسل "إيجار قديم" الذي تم عرضه مؤخرا.

وأوضحت بسمة داوود في مقابلة مع برنامج "عيش صباحك" من تقديم يوسف التهامي وفانا إمام عبر إذاعة نجوم إف إم، أن شخصية "ريهام" التي جسدتها في مسلسل "إيجار قديم" ليست شريرة على الإطلاق.

وأضافت: "ريهام عملية بشكل كبير جدا، مع ارتباطها بشريك حياة شخصيته مش قوية ومهزوزة، ودلوقتي في الجيل بتاعنا لما تلاقي الرجل مش هو اللي بياخد القرارات، هتقول له استنى على جنب، أنا لي الطلعة دي، ده بقى العادي بتاعنا دلوقتي".

نرشح لك- سهر الصايغ تحتفل بخطبتها في جو عائلي- صور

وتابعت بسمة داوود: "مش لازم نبقى زي ريهام، بس هي وأهلها موجودين بشكل كبير جدا، أنتوا مش متخيلين الناس اللي بتفضل تطلب، أنا عن نفسي كـ بسمة مابحبش كده، لو أنا متفاهمة مع واحد، شبكتي ومهري وحياتي وبيتي دي باتفاقنا مع بعض، بس للأسف في ناس ماتعرفش تعمل ده".

وأكدت أنها تلقت العديد من ردود الفعل الغاضبة حول دورها في مسلسل "إيجار قديم" قائلة: "أنا ممثلة، لو من قلبك ما كرهتنيش يبقى أنا ماعملتش شغلي، زي ما عملت أدوار قبل كده، أيام الكورونا كنت أبقى لابسة الماسك، يعرفوني ويعرفوا صوتي ويحبوني".

وواصلت: "أنا ممثلة عملت في إيجار قديم دوره مكروه، الدور اللي بعده ممكن يبقى محبوب".

يذكر أن مسلسل "إيجار قديم" من تأليف عمرو الدالي، إخراج طارق رفعت، إنتاج المتحدة للخدمات الإعلامية وكي ميديا، بطولة شريف منير، محمد الشرنوبي، فيدرا، هشام إسماعيل، حازم سمير، ميمي جمال، رحمة حسن، بسمة داوود وإلهام وجدي مع ظهور خاص للفنان صلاح عبد الله.