خاص مارك حجار لـ"في الفن": قابلت بطلة Westworld في فينيسيا .. وهكذا جهزت لدوري في "المتهمة"

أحمد حتحوت | فى حياة المشاهير

من الجيل الرابع إلى مهرجان فينيسيا .. مارك حجار يتحدث لـ في الفن

الخميس , 22 ديسمبر 2022 - 17:09 | اخر تحديث: الجمعة , 23 ديسمبر 2022 - 18:54

إلى جانب النجاح النقدي والجماهيري الذي حققه الممثل الصاعد مارك حجار في مسلسل "المتهمة"، فاز فيلمه القصير "صاحبتي" بمهرجان القاهرة السينمائي بعد أن شارك بمهرجان فينيسيا، وينافس حاليًا بمهرجان القاهرة الدولي للفيلم القصير.

والتقى FilFan.com بمارك حجار للحديث عن "صاحبتي" ووصوله للعالمية، ومستقبله في الوسط، وتحضيره لدوره في "المتهمة".

علق مارك على مشاركة "صاحبتي" في مهرجان فينيسيا السينمائي قائلًا: "احساس ميتوصفش.. كوثر كلمتني وقالتلي أجهز جواز السفر عشان نروح فينيسيا، ودة من أحسن 3 مهرجانات في العالم وكان أول مهرجان أروحه في حياتي".

مارك حجار في القاهرة السينمائي

كما عاش مارك التجربة كأي محب للسينما وليس فقط ممثل مشارك، فقال: "حاجة حلوة قوي إنني أشوف نجوم هوليوود ماشيين جنبي"، مضيفًا أنه تحدث للنجمة تيسا طومبسون، وقال: "اتكلمت مع بطلة Westworld وThor: Love and Thunder، وشفت هيو جاكمان بس ملحقتش أتكلم معاه".

وذكر مارك أنه مزح عن احتمالية الذهاب للمهرجان أثناء تصوير "صاحبتي"، وقال: "كنت بقول بهزار إننا هنروح فينيسيا، لأن أنا متابع المهرجان من زمان وبحب أشوف الأفلام اللي داخلاه لأنها مش تجارية".

أحيانًا يعتبر البعض الأفلام القصيرة مجرد بداية لمخرجي وممثلي الأفلام الروائية الطويلة، وعلق مارك على ذلك: "ممكن ناس تحب الأفلام القصيرة وتفضل فيها، وممكن تستخدمها ككبري يوصبهم للأفلام الطويلة، ولكن الفيلم القصير فني ليس تجاري، وما يميزه إنه فني، صناعه لا يهتمون بالمال أو المصالح الشخصية".

كما أكد مارك حجار أن حبه للتمثيل هو ما يدفعه للتضحية بالعائد المادي، وقال: "أنا بحب التمثيل، ولو لقيت موضوع حلو ووراه مخرج جامد زي كوثر يونس، لازم أمسك فيه. الشباب المفروض يبصوا للعائد المعنوي مش المادي، والتصقيف اللي جه بعد الفيلم بينسيني أي صعوبات عدت عليا، في مشاهد بسيطة جدًا جابت ضحك مع الجمهور، ودي حاجة تبسطني قوي".

وعن تحضيره لدور شاب من ذوي الاحتياجات الخاصة في مسلسل "المتهمة"، قال: "الاستاذ تامر نادي، قالي لازم تروح مدرسة فكرية وقالي لازم تتعلم بجد، قالي ماتشوفش فيلم وتقلده، لأنك كدة هتكون بتقلد حد بيقلد حد، وسمعت كلامه وعلمني كتير قوي، رحت مدرسة فكرية لمدة 5 أسابيع، 5 أيام في الأسبوع، اتعلمت منهم جدا، ولقيت ولد جميل جدا ارتحت معاه وقررت أعمل شخصية زيه".

مارك حجار في المتهمة

وقد وجه الممثل رسالة عن ذوي الاحتياجات الخاصة قائلًا: "في ناس من ذوي الهمم عندهم موهبة التمثيل وحلو يمثلوا، وأشجع إن كل واحد يتبع حلمه، لكن عشان كنا بنصور في لبنان لفترة طويلة وهي بلد غريبة والموضوع ممكن يكون متعب ليهم، لجأوا ليا أنا".

مارك حجار

وعلق مارك عن بدايته في فيلم "الجيل الرابع"، قائلًا: "الفيلم له معزة خاصة عندي، وفي ناس بتوقفني في الشارع تقول "انت اللي كنت في الجيل الرابع؟"، بقول هو شكلي متغيرش لمدة 7 سنين.

ويقول مارك عن عدم نجاح الأعمال الشبابية في مصر بنفس نجاحها في الغرب: "بسأل نفسي كتير ليه مش منتشرة عندنا، لكن عشان الغرب بينفقوا فلوس أكتر مننا وملايين الدولارات، مينفعش نقارن بعضنا.. لكن الشباب الممثلين والمخرجين والمصورين كتير ومستنيين الفرصة، وعايزين نستغلهم ونوظفهم كويس، وأتمنى الحوار دة يعمل فرق".

مارك حجار

وعن الجدل الذي أثاره فيلم "صاحبتي" بسبب مشهد القبلة، رد: "بنشوف مشاهد عنف طول الوقت، ودم، وخطف، وسرقة، وحيوانات بتموت، وحاجات مؤذية للعين لكن مش بنتأثر بيها ولا بتؤذينا، لكن لما نشوف مشهد حب بين اتنين، الناس بتستفز؟ لازم الفن يعكس المجتمع بدل ما نخاف إننا نقدم الحقيقة، عشان لو الطفل اتعرض لحاجة يكون عنده خلفية ليها".

فيلم صاحبتي

يدور فيلم "صاحبتي" حول الشاب "علي" الذي يتنكر في زي فتاة لكي يقضي وقت حميمي مع صديقته "سارة" في بيتها دون علم والديها، وتشارك في البطولة إلهام صفي الدين، وهو من إخراج كوثر يونس وإنتاج ساندرو كنعان ومونتاج خالد مرعي.

اقرأ أيضا:

إلهام صفي الدين لـ"في الفن": مفيش حاجة اسمها سينما نظيفة .. وفيلم "صاحبتي" جابلي أضعاف التعليقات السلبية

المخرجة كوثر يونس عن قبلة فيلم "صاحبتي": معتقدش في حد في القاعة مباسش قبل كدة .. دة تعبير عن الحب

#شرطة_الموضة: 60 ألف جنيه سعر إطلالة واحدة لشخصية "ملك شهاب".. أحدث أعمال سلمى أبو ضيف

بعد إعلان خطوبتهما ... تعرف على فارق العمر بين نور إيهاب ونور بدر

لا يفوتك- يسري نصر الله يتحدث لـ (في الفن) في مهرجان القاهرة للفيلم القصير

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5