من جديد تواصلت الفنانة شيرين عبد الوهاب مع جمهورها وأجابت على العديد من أسئلتهم عبر خاصية القصص القصيرة في حسابها على Instagram.
وكشفت شيرين هذه المرة عن أمور مختلفة منها رأيها في والد بناتها والرد على الشاعر بهاء الدين محمد وغيرها من الأمور.
نرشح لك: داليا إبراهيم : مشهد "النص الفوقاني" في "كلمني شكرا" سببلي دوشة وخالد يوسف أقنعني به
وفيما يلي نستعرض أبرز إجابات شيرين عبد الوهاب على أسئلة جمهورها:
فكرة تلازمك من الطفولة إلى الآن
عمل استعراضي كبير.
هل شيرين شخص كثير التأجيل في حياته؟
لا خالص بالعكس بس مش عايزين ننسى إن في ظروف مرينا بيها زي الكورونا والثورة خليتنا اتأثرنا وشوية خدت من حماسنا.
إيه رأيك في كلام بهاء الدين محمد؟
والله أنا مش شايفة ليه أي مبرر.
بتسمعي أغانيكي في يومك وبتحبي صوتك.. أنا عن نفسي بعشقه انتي أحسن مطربة في الوطن العربي؟
شكرا على كلامك اللي كله تقدير ليا، أنا عن نفسي لما بسمع نفسي كأني غريبة زيكم بالظبط وأه طبعا بسمع نفسي.. مثلا كل لما بسمع بتوحشني بعيط كأن مش أنا اللي مغنياها.
بعرف إنك طيبة..بس هل في مرة استغربتي من قلبك انه قاسي أو قسي على شيء ما.
أكيد في مواقع بتطلع عكس شخصيتك.
حبيتي في حياتك كام مرة؟
مرة واحدة بس.
ليه حفلات كتيرة اتلغتلك السنة اللي فاتت؟
في ناس بتقول إنها اتفقت معايا على حفلات وإني لغيتها ودا كلام مش صحيح فابتتلغي لعدم وجود اتفاق من الأساس.
لو قدامك مطربة من دول تختاري تعملي معاها دويتو.. أصالة ونجوى كرم وإليسا تختاري مين؟
أنا كفنانة أتشرف إني أغني معاهم كلهم لإني بحترمهم وبحترم فنهم.
بتتواصلي مع هيفاء وهبي؟
أخر مرة كلمتها وقت انفجار مرفأ بيروت ومن وقتها مش عارفة أوصلها.
ليه يا شيرين حفلاتك غالية إحنا كطلبة منقدرش ندفع 800 و1200 في الحفلة.. نفسي أحضرلك حفلة؟
عندك حق حبيبتي واحنا بنشتغل نعمل حفلات أسعارها مناسبة للكل.
هتبقى حماة صعبة ولا شيرين عادي؟
بالعكس أنا هحب أجواز بناتي أكتر من بناتي بس لو حد زعلهم هموته.
إيه أكتر مصيبة عملتيها وانتي صغيرة ومش قادرة تنسيها؟
خالتي سابتلي بنتها أخد بالي منها حطيتها في التلاجة وهي في اللفة عشان تبقى في أمان أكتر وطبعا ممنوع التجارب.
إيه جملتك المفضلة لدكتور مصطفى محمود؟
تقاوم ما تحب وتتحمل ما تكره.
بحس إنك بتغيري من جيل الفنانات اللي أصغر منك مش بتدعمي حد منهم خالص مع إن في أصوات جميلة؟
بالعكس أنا طول عمري بقول إن عندنا أصوات مهمة جدا في بلدنا زي ريهام عب الحكيم ومي فاروق أصوات شابة واعدة جدا وياسمين نيازي ولارا اسكندر.
بتحبي تامر حسني؟
طبعا بحب تامر حسني لأنه شريك كفاج وشريك وشاه على بدايات نجاحاتنا احنا الاتنين.
كان نفسك يكون عندك ولد؟
طبعا كان نفسي وربنا ما يحرمني من مريم وهنا في حياتي واللي مجابش بنات لسة مخلفش.
حبيتي شخص من طرف واحد قبل كدا؟
أه.
بتحبي دلوقتي؟
أه طبعا بحب نفسي وبحب بناتي وبحبكم وفوق كل دا بحب ربنا وصدقوين لما هتحبوا ربنا كل المشاكل هتهون لأن دا الحب اللي مش بيزول أبدا.
ليه دايما الصحافة بتكون ضدك؟
بالعكس أنا صحافة بلدي مصر وصحافة الوطن العربي كلهم ساهموا في نجاحي ودي الصحافة النضيفة أما عن الصحافة الصفرا دي حاجة تانية.. ممكن تكون تصريحاتي مش متذوقة وبتوصلكم عن طريقهم مفهومها غلط وطبعا انتوا شاهدين على اللي حصل واللي هيحصل مفيش مبررات.
شيرين تحب أن تكون سيدة أو سيدة مستقلة؟
الاتنين.
بتخرجي من بيتك من غير ماكياج؟
كتير أنا أصلا مش بحب الماكياج بس أوعدكم هعملكم ماركة ماكياج طبيعية.
شيرين شخصية عنيدة؟
فيا كل الصفات.
كنتي حاسة زمان وانتي في بداية كفاحك إنك هتوصلي للي وصلتيله دلوقتي؟
بصراحة بالعظمة دي لا ربنا كان أكرم بكتير مما تخيلت ألف حمد وشكر ليه.
مين من ممثلات لبنان بتحبي؟
صباح وتالا شمعون وسيرين عبد النور وكل كاست نادين لبكي في كفر ناحوم وسكر بنات وهلا لوين.
حسام حبيب في كلمة واحدة؟
سؤال صعب.
اتكلمي عن أبو بناتك
انسان طيب جدا وموزع موسيقي من المهمين وأب حنين وبيهتم ببناته.
ومؤخرا، كشفت شيرين عبد الوهاب عن تعاونها مع الشاعر أيمن بهجت قمر في أغنية جديدة.
يذكر أن شيرين عبد الوهاب تعرضت لهجوم حاد من الشاعر بهاء الدين محمد بعدما أعلنت عن ندمها في التعاون معه في أغنية "ماتجرحنيش".
وكتب بهاء الدين محمدأغنية "ماتجرحنيش" أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش هيتم اللقاء، وماتجرحنيش من أهم أعمالى ومن حقى أدافع عنها نتاج تهور اللى غنيتها ". للمزيد من هنا: عيطت لما شافتني من الفرحة ... بهاء الدين محمد يهاجم شيرين عبد الوهاب: ما شفتش حد بيحارب نفسه كده
لى جانب آخر، أكد المستشار جميل سعيد أنه لا جديد في قضية النجمين شيرين عبد الوهاب وزوجها السابق حسام حبيب.
قال سعيد: "أنا لست محامي شيرين عبدالوهاب ولكن محامي حسام حبيب وبدعو لهما بالتوفيق ويكون خلافهما زوبعة في فنجان ويعودا إلى بعضهما، والقضية منظورة أمام القضاء وأتمنى انتهاء الأزمة"، حسب تصريحاته في برنامج "حضرة المواطن" الذي يقدمه الإعلامي سيد علي.
اقرأ أيضا:
عبير الشرقاوي عن تأجيل مهرجان الجونة: أحلى خبر سمعته
خاص أجراها في ساعتين والزيارة ممنوعة.. تفاصيل عملية تركيب 6 دعامات بقدم محمد الحلو
النجوم يشيدون بتعادل الأهلي والزمالك في لقاء القمة 124
داليا إبراهيم : مشهد "النص الفوقاني" في "كلمني شكرا" سببلي دوشة وخالد يوسف أقنعني به
لا يفوتك: دنيا عبد العزيز تجيب على اسئلة في الفن: نصيحة لا تنسى من الفنان محمود مرسي وموقف لا ينسى مع معجب
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5