عيطت لما شافتني من الفرحة ... بهاء الدين محمد يهاجم شيرين عبد الوهاب: ما شفتش حد بيحارب نفسه كده

مروة لبيب | فى حياة المشاهير

بهاء الدين محمد

السبت , 11 يونيو 2022 - 10:44 | اخر تحديث: السبت , 11 يونيو 2022 - 11:09

هاجم الشاعر بهاء الدين محمد الفنانة شيرين عبد الوهاب بسبب إعلان ندمها على أغنية "ما تجرحنيش" من تأليفه.

وعبر حسابه على Facebook، قال بهاء الدين محمد :"مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !" .

وتابع بهاء الدين محمد: وحأتكلم بإختصار جدا المشهد الأول..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !".

نرشح لك: عمرو أديب يعلق على حفل حمزة نمرة وكايروكي في الرياض

وأضاف بهاء الدين محمد :المشهد الثاني رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة، أما المشهد الثالث :لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول"..

إجابات شيرين عبد الوهاب

واستكمل لهاء الدين محمد: المشهد الرابع والأخير أغنية "ماتجرحنيش" أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء، وماتجرحنيش من أهم أعمالى ومن حقى أدافع عنها نتاج تهور اللى غنيتها " .

واختتم بهاء الدين محمد : وكمان لأول مرة الاقى حد بيحارب نَفسه وبيغلط ف مبدعين إشتركوا ف صناعته !!! .. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم "

وكانت الفنانة شيرين عبد الوهاب قد أعلنت ندمها على أغنية "ما تجرحنيش" خلال ردها على أحد متابعيها عبر خاصية القصص المصورة على Instagram.

بهاء الدين محمد

على جانب آخر، أكد المستشار جميل سعيد أنه لا جديد في قضية النجمين شيرين عبد الوهاب وزوجها السابق حسام حبيب.

قال سعيد: "أنا لست محامي شيرين عبدالوهاب ولكن محامي حسام حبيب وبدعو لهما بالتوفيق ويكون خلافهما زوبعة في فنجان ويعودا إلى بعضهما، والقضية منظورة أمام القضاء وأتمنى انتهاء الأزمة"، حسب تصريحاته في برنامج "حضرة المواطن" الذي يقدمه الإعلامي سيد علي.