عبرت الكاتبة ميرنا الهلباوي عن حبها ومشاعر التقدير التي تُكنها للفنان محمد عطية.
اقرأ أيضا: 16 معلومة عن ميرنا الهلباوي خطيبة محمد عطية... تمنت هزيمة المنتخب وتحلم بتدريب الأهلي وتحدت كورونا

ونشرت ميرنا صورة مع عطية عبر حسابها على Instagram وكتبت له رسالة رومانسية عبرت فيها عن محبتها قائلة: "دايمًا كان عندي فكرة معينة عن العلاقات والحب، ودايمًا الفكرة دي كانت بتتقابل بسُخرية أو هدم إن ده مش موجود.. اللي بتدوّري عليه موجود بس في خيالك، وأحيانًا مع الضغط النفسي ده بنرضى بعلاقات نصف مريحة وأحيانًا ربع مريحة لمجرد إننا بنتجاهل صوتنا اللي جوانا وبنسمع للأصوات اللي حوالينا إن اللي بندوّر عليه مش موجود".

تابعت: "لحد ما قابلتك، وقلبي رقص من الفرحة إن اللي بدوّر عليه طول حياتي موجود في الحقيقة، بالعكس ده أكتر كمان من اللي كنت بحلم بيه.. أنا ممتنة ليك ولوجودك وممتنة لكل حاجة حصلت قبلك عشان وصلتني في الآخر ليك.. إنت رجعت ثقتي في حاجات كتير أولهم نفسي والحب.. شكرًا إنك إنت بدون تصنع أو إدعاء فارغ وشكرًا إنك بتثبت في كل مرة إنك حقيقي مش مجرد فكرة موجودة في خيالي.. شكرًا إن مع كل يوم بيعدي علينا واحنا مع بعض بترجعلي جزء جديد من روحي، أجزاء كتير خسرتها قبلك وبترجعلي تاني.. بحبك".

رد محمد عطية على رسالة خطيبته قائلا: "أنا بحبك يا قلبي وبموت فيكي وكل حاجة بس لازم نقعد مع بعض عشان نتناقش في موضوع (ممتنة) ده... حاسس إني بحب زهرة العلا".
‎ ‎

اقرأ أيضا: محمد عطية يعلن ارتباطه بميرنا الهلباوي

يُذكر أن محمد عطية بدأ حياته الفنية بعدما نجح في في الموسم الأول من برنامج "ستار أكاديمي"، وشارك في عدد من الأعمال الفنية، ثم غاب عن الساحة الفنية، حتى عاد في عام 2018 وأصدر فيديو كليب "حكاية جديدة".

اقرأ أيضا:

فيديو- أحمد فهمي ومحمد عطية يلعبان "مونوبولي"... هنا الزاهد: كداب أوي

محمد عطية يستعيد ذكريات "ستار أكاديمي" في احتفاله بعيد ميلاد بشار الشطي