علق الإعلامي تامر أمين على قرار المحكمة الاقتصادية بالقاهرة، أمس بمعاقبة مودة الأدهم وحنين حسام و3 أخرين، بالحبس سنتين وغرامة 300 ألف جنيه، لاتهامهم بالتعدى على القيم والمبادئ الأسرية.

أوضح تامر خلال برنامجه "آخر النهار" على قناة النهار، أن السوشيال ميديا وكل ما له علاقة بالإنترنت أصبح خاضعا الآن لسلطة القانون، لأن فيه صفة الانتشار، وبالتالي يعتبر وسيلة إعلامية يسري عليها ما يسري على باقي الوسائل، مناشدا الآباء والأمهات برعاية أبنائهم حتى لا يلقوا نفس المصير، قائلا: "مصيبة إني أبقا قاعد في البيت ألاقي البوليس بيخبط يقولي عايزين بنتك أو ابنك، ده بيعمل جريمة جوا في أوضته على الإنترنت".

تابع: "طبعا هتقولوا لي يا تامر أنت دلوقت سعيد إن البنتين اتحبسوا، هقولكم أقسم بالله لأ، أنا سعيد إن القانون أخد مجراه، لكن أقسم بالله مش سعيد إن بنتين في عمر الزهور زي دول يبقوا موجودين في السجن، محدش يفرح في مصايب الناس، أنا حزين ان بنتين في مقتبل العمر يحصلهم كده".

أضاف: "أنا متخيل دلوقت أهاليهم عاملين ازاي، أنا حزين على مصيرهم، بس للأسف لا يلوموا إلا أنفسهم، وأهاليهم يلوموا أنفسهم لأنهم سابوهم على النت بلا رقيب، بقول للأباء والامهات اوعوا تخجلوا تقول لابنك أو بنتك وريني أنت بتعمل إيه على النت.. مفيش حاجة اسمها حرية شخصية.. حرية ايه اللي تخلي ابني يخش السجن!! والله أنا متضايق عشانهم".

كانت المحكمة الاقتصادية بالقاهرة، قد قضت أمس، بمعاقبة حنين حسام ومودة الأدهم و3 أخرين، بالحبس سنتين وغرامة 300 ألف جنيه، لاتهامهم بالتعدى على القيم والمبادئ الأسرية، وتحديد جلسة 17 أغسطس المقبل للاستئناف على الحكم.

اقرأ أيضا:

صورة- أحدث ظهور لبوسي مع ابنتها مي نور الشريف

بكلمات مؤثرة... نجوم الفن ينعون طبيب الغلابة