تحدثت الفنانة أنغام عن علاقتها بالفنانة الراحلة رجاء الجداوي، موضحة أنها شخصية نادرة لن يكون هناك مثلها أبدا في الحياة.

اقرأ أيضا: فان دام ينعي رجاء الجداوي بكلمات مؤثرة: أنا مصدوم

أضافت أنغام في مداخلة هاتفية مع الإعلامية لميس الحديدي ببرنامج "القاهرة الآن" علة قناة "العربية الحدث"، أن رجاء كانت تهتم بالاطمئنان عليها من آن لآخر، قائلة: "كانت حبيبتي وصاحبتي وأمي.. مفيش حد بالحنية والحضور وخفة الدم والكرم والثقافة بتاعتها، كانت تركيبة إنسانية يا بخت اللي عرفها وقرب منها".

تابعت: "أنا عرفتها من قبل ما اشتغل معاها وشوفتها في أي ظروف أنا عديت بيها كانت من أوائل الناس اللي بتسأل عني.. تتصل بيا بدون سبب تقولي بتصل بيكي يا حبيبتي عايزة اسمع صوتك طمنيني عليكي.. مش عارفها الدنيا هتبقا عاملة ازاي من غيرها.. أنا شوفت رجاء وهي بتحتوي مواقف بابتسامة وبهدوء من الصعب إن حد في نفس الوقف يبتسم ويكون هادي.. شوفتها في أيام تصوير طويلة جدا وكنت بقول ما شاء الله ربنا يديها الصحة لا بتكشر ولا بتشتكي ولا تحسس اللي حواليها إنها تعبانة.. لو لقت خلافات تاخد ده ع جنب وده ع جنب وتقوله كلمة.. كان عندها حضور ونجومية جذابة بدون أي افتعال".

اعتذرت أنغام على الهواء قائلة: "معلش أنا نفسي ضيق جدا من ساعة ما عرفت الخبر بتنفس بصعوبة.. بقيت ادعي واقول يا رب أنت قادر على كل شيء ممكن ترجعهلنا وتخليهالنا.. لأن متخيلش الحياة من غيرها هتبقا عاملة ازاي".

يذكر أن رجاء الجداوي تواجدت في العزل الصحي لمستشفى أبو خليفة في مدينة الاسماعيلية لمدة 43 يومًا، وذلك منذ إصابتها بفيروس كورونا مطلع يونيو الماضي، وكانت تتواجد على جهاز تنفس صناعي اختراقي، ودخلت العناية المركزة المستشفى أبو خليفة للعزل الصحى، بعد تدهور حالتها الصحية، حتى وافتها المنية في الساعات الأولى من صباح الأحد الخامس من يوليو.

اقرأ أيضا:

محمود العسيلي ينتقد الدفاع عن المتحرشين: كفاية ازدواجية وجهل

بعد أزمة التحرش الجنسي... عمرو محمود ياسين يرد على عبد الله رشدي