وجهت الإعلامية دعاء فاروق رسالة لمنتقدي دفاعها المستمر عن مصر، وعن كل الشرفاء الذين تعرفهم وتحبهم ويعملون لصالح الدولة وشعبها.

اقرأ أيضا: بسبب أزمة الطيار... دعاء فاروق توجه كلمات قاسية لمحمد رمضان

كتبت دعاء عبر حسابها على Instagram: "مصر... إيه اللي يضايقك لو واحدة شافت أمها احسن أم في الدنيا؟ إيه اللي يضايقك لو حد شاف بلده أحسن بلد في العالم؟ إيه اللي يخلي ناس تتشنج وتحاول نثبت لك بكل الطرق إن امك وحشه وتخينة وبلدى مثلا؟؟ انتو مالكوا أمي وعاجباني بكل ما فيها ... إيه التعصب والتشنج وكل المحاولات البائسة لاقناعي إني بطبل لبلدى...مش محتاجين علي فكرة خالص تعملوا كل المجهود ده.. أنا بطبل وبرقص وبهلل من غير ما حد يتعب نفسه خالص".

تابعت: "أنا بدافع عن القناة اللي بشتغل فيها طول الوقت.. وبدافع عن صاحبتي التنكة وبقول دى طيبة ومتواضعة.. وبدافع عن زميلي في الشغل اللي بيغلط وبقول مكانش قصده وبدافع عن ابني وهو شقي ومغلبني وبقول مفيش أحن منه.. هاجي علي مصر وأنهش فيها وأنا عايشة في خيرها؟ يا لهوي.. ده أنا عايشة في خيرها عمري كله وعمري ما كنت غنية قبل ما اشتغل كنا في بيت متوسط عادي خالص وناس عايشين بيزقوا في ظروف الدنيا ويوفروا ويدبأوا زى أي حد.. واشتغلت واتجوزت راجل محترم وربنا كرمني في شغلي بمجهودي".

أضافت: "مبسوطة في بلدى وبحبها وبقول عليها أحسن بلد في الدنيا وكل ما كنت أسافر وألف الدنيا وأنا في قلب الفسحة وأنا في قلب السفرية وأنا في قلب بلاد بره الواسعة.. أقول عمار يا مصر.. دماغي كده يا أخي، دماغي كده يا أختي.. بحبها بكل ما فيها وبحب ناسها وبحترم كل الشرفاء اللي بيشتغلوا فيها من أقل راس وطالع، لا مجال للتشنجات ولا مجال للدخول في محاولات بائسة لاقناعي بأي حاجة مش هقتنع بيها، لا تعايرني ولا اعايرك الهم طايلني وطايلك محدش يطلع في مصر القطط الفاطسة عشان هناك اللي فيهم مكفيهم وبنحمد ربنا علي نعمة بلدنا.. باااس كده".

يذكر أن دعاء فاروق تقدم برنامجا اجتماعيا بعنوان "اسأل مع دعاء" ويعرض على قناة "النهار".‏

اقرأ أيضا:

ميدو يطالب بتخفيض أجور الرياضيين والفنانين

أشرف زكي يتدخل لحل أزمة ريم البارودي وريهام سعيد