نشر الفنان علي الطيب، نصيحة مطولة لجمهوره،عبر حسابه الشخصي على Instagram.
كتب علي الطيب ، متحدثًا عن النعم التي يهبها الله للإنسان بعيدًا عن المال، قائلًا: "الرزق عمره ما كان فلوس بس، الرزق ربنا بيبعتهولك بأشكال مختلفة بس أنت ركز وتأكد إن كل نعمة ربنا أنعم عليك بيها رزق، الصحة رزق، أهلك اللي بيحبوك و بيخافوا عليك وبيدعولك رزق، لما ربنا يرزقك بطفل دي نعمه كبيرة و رزق جميل، مراتك اللي معاك من البدايه و هي عارفة ظروفك وبتشجعك وعايزاك تنجح و بتصبرك دايماً في كل لحظة بتشوفك فيها محبط وتعبان وفي ضهرك وهي شايلة البيت والعيال وتعبانه وأقل حاجة بتفرحها رزق".
تابع: "صحابك الجدعان اللي تلاقيهم جنبك و تحسهم أكتر من اخواتك بمعدنهم الأصيل وبيحبوك بجد رزق كبير، ربنا أنعم عليك بيهم في طريقك حافظ عليهم.،لأن الصاحب الجدع الأصيل الطيب اللي يخاف عليك و بيتمنى لك الخير دايمًا في الوقت ده مش موجود كتير بس الحمدلله، من كرم ربنا ليا إن صحابي الأصيلة و الطيبين كتير ربنا ما يحرمني منهم و يبارك لي في كل رزق ربنا أنعم عليا بيه".
استطرد علي الطيب: "جمهوري اللي بيدعيلي دايمًا في رسايله و في التعليقات، رزق جميل اتفاجئت بيه و بشكرهم من كل قلبي، وصدقوني لو فضلت أكلمكم عن كم الحاجات اللي ربنا بيرزقنا بيها كل يوم مش هتخلص، بس والله لو ركزت وتأملت كم الحاجات اللي ربنا نجاك منها ورزقك بأحسن منها هتتعجب من حكمة ربنا و كرمه ليك، و كل ما تشكر ربنا و تحمده علي قضاءه و قدره وتتأمل ترتيبه ليك هيزيدك و هيراضيك، ربنا كريم و رحيم أوي بينا".
جدير بالذكر أن علي الطيب شارك في بطولة مسلسل "قابيل"، الذي عُرض خلال شهر رمضان الماضي، مع محمد ممدوح، أمينة خليل، محمد فراج، نهى عابدين، أحمد كمال، فاطمة ناصر، روزالين البيه، بسنت شوقي، خالد كمال، خالد الشيوي، حسني شتا، علي قاسم، تأليف مصطفى صقر، إخراج كريم الشناوي، إنتاج E Producers“عبد الله أبو الفتوح.
اقرأ أيضًا:
محمد ممدوح يتمنى الشفاء لعلي الطيب
حوار "في الفن"- علي الطيب: الله أكرمني بنجاح "وديع البساطي" وهذه نصيحة أحمد حلمي لي