روت هنا إبراهيم يسري، ابنة الفنان الراحل إبراهيم يسري، ذكرياتها مع الفنان فاروق الفيشاوي، الذي رحل عن عالمنا فجر أمس الخميس، عن عمر يناهز 67 عامًا، بعد معاناة من مرض السرطان.

نشرت "هنا" عبر حسابها الشخصي على instagram، صورة جمعت الفيشاوي بوالدها، وصور أخرى عن التغطية الصحفية لانهيار الفيشاوي عقب دخوله ثلاجة الموتى لتقبيل والدها، وعلقت عليهم كاتبة: "عمري ما هنسى إنك طول عمرك كنت بتقعد تلعب معايا وأنا صغيرة وتدلع فيا، عمري ما هنسى إنك مربيني، عمري ما هنسى حبك الأوي لينا وحبنا أوي ليك".

تابعت: "عمري ما هنسى إني حتى لما أنا كبرت أنت كنت لسه أبويا التاني، حرفيا.. عمري ما هنسى أنت وبابي كنتوا بتحبوا بعض أد ايه، عمري ما هنسى إن حتى لما أنا كبرت أما كنا بنخرج كلنا كنت أنا دايما بقعد جمبك، عمري ما هنسى يوم وفاة أبويا لما أنت طلعتله وروحت تودعه وأصريت تدخل عشان تبوسه وتحضنه وبعديها انهرت في حضنه، عمري ما هنسى انهيارك لما شوفتك يوميها لما جيت لنا بعد المستشفى، عمري ما هنسى إنك أول واحد أنا اترميت في حضنه لما عرفت خبر أبويا ولسه فاكرة قلتلي ايه.. (كان بيعبُدك يا حبيبتي، كان بيعبدك)".

أضافت: "عمري ما هنسى إنك كنت واخد جايزة يوميها تكريم ليك وأنت أهديت التكريم دة لبابي، عمري ما هنسي أد ايه أنتوا كنتوا بتحبوا بعض أوي، عمري ما هنسى طيبتك وحنيتك ورجولتك وخفة دمك، عمري ما هنساك يا روقة، أنا بحبك أوي وهتوحشني أوي ياللي من أغلى الناس ليا، أنت دلوقتي روحت لهيما خلاص وبقيتوا مع بعض تاني، سلملي علي بابي أوي وقوله إنه واحشني أوي، أنا بحبكوا انتوا الاتنين أوي، أشوفكوا على خير يا حبايب قلبي".

يشار إلى أن جنازة الراحل فاروق الفيشاوي، كانت قد شيعت عقب صلاة ظهر أمس الخميس، من مسجد مصطفى محمود بالمهندسين، وحضرها عدد كبير من نجوم الفن، وتقرر أن يقام العزاء الخاص به، مساء الأحد المقبل الموافق 28 يوليو في مسجد الشرطة بمنطقة الشيخ زايد في 6 أكتوبر.

اقرأ أيضا:

على هامش جنازة فاروق الفيشاوي

قبل رحيله.. هكذا تحدث فاروق الفيشاوي عن الموت