بعد تضامن الفنانين.. أكرم البزاوي يشكر صناع فيلم "كازبلانكا"

مي جودة | فى حياة المشاهير

أكرم ومحمود البزاوي

الثلاثاء , 9 أبريل 2019 - 00:36 | اخر تحديث: الثلاثاء , 9 أبريل 2019 - 00:59

وجه المخرج الشاب أكرم البزاوي ابن الفنان محمود البزاوي الشكر لصناع عمل فيلم "كازبلانكا" وذلك بعدما انتقد الملصق الدعائي للفيلم.

كان البزاوي الصغير علق الملصق الدعائي الأول لفيلم "كازبلانكا" مستنكرا عدم وجود صورة لوالده عليه، ورد عليه مخرج العمل بيتر ميمي كاتبا: "يا اكرم عيب الكلام ده ، ابوك اهم من بوستر و اهم من الفيلم كله علشان تقول كلام زى ده تصغره ، مش بوستر مبدئى يخليك تحس بكده ، ده محمود البزاوى صلاح بيه الطوخى و البوسترات بتختفى بعد شهور و بيفضل الفيلم".

ليرد عليه أكرم كاتبا: "انا مش قصدي اصغر ولا اكبر و يمكن انا مع اللي بحبهم مش بس ابويا كده .. انا مشكلتي مش مع البوستر والله خالص.. انا بالضبط زي اللي بيجيبوا ابويا في برنامج مثلا و يقولوا في البدايه مساء الخير استاذ محمد البزاوي .. طالما عايز محمد جبت محمود ليه".

وعلق الفنان صلاح عبد الله كاتبا: "تعرف ياواد يا أكرم أنا بحب حبك لأبوك قوي قوي ومعجب بيه لأقصى درجة وبدعيلك وبدعيله، وأبوك استحمل كتير، وربنا كبير، والحمد لله في الفترة الأخيرة كل الناس بتشاور بكل التقدير والاحترام والإجلال لمحمود البزاوي، واللي جاي أحلى وأعظم بإذن الله بغض النظر عن الأفيش".

وعلق الممثل صبري فواز: "يا أكرم أبوك فنان كبير، حقك تفرح وتفخر بيه، واحنا زملاؤه بنفخر بيه وبشغله"، أما الممثل أحمد السعدني كتب:"مش بالأفيشات يا ابني، أبوك ممثل وأب وإنسان عظيم"، وكتبت الفنانة مي كساب: "الأفيش بيترمي في الآخر، الفيلم هو اللي بيفضل".

وعلقت إيمان العاصي كاتبة لأكرم: "بحب أبوك أوي وش خير عليا وعلي ناس كتير".

وكتبت سلمى صباحي: "ابوك ده جميل بحبه من زمان و واضح من زمان انه مختلف و دماغ و أداءه فعلا مميز .. و صدقني مش بالأفيشات خالص هو فعلا بيفرض نفسه في اي عمل .. لك حق تفخر و تفرح بيه ❤".

وبعد التضامن الذي قدمه أهل الفن لمحمود البزاوي، كتب أكرم: "متشكر جدا لتقدير الناس و انهم فهموا كلامي صح و ماتفهمش غلط و احب اشكر استاذي و حبيبي امير كراره و انه اهتم و فهم انا بتكلم في ايه و بشكره جدا انه استحملني انا بحب حضرتك جدا .. تاني حاجه احب اشكر بالخصوص عم صلاح عبدالله حبيبي و ابويا و استاذي الجميل استاذ صبري فواز .. و ابويا الصغير احمد السعدني 😝 و استاذه ايمان العاصي و استاذي الجميل و الكوميديان العظيم سليمان عيد .. و حبيبي و استاذي المجتهد بيتر ميمي اللي صنع شخصية صلاح الطوخي و قدمها للجمهور بالشكل الجميل اللي كل الناس حبته .. و أستاذتي الجميله الطيبه مي كساب .. شكرا على كلامكم الحلو اللي فرحني جدا .. و اشكر كل الناس اللي بعتولي بجد بشكركم جدا و اسف لو نسيت حد و اسف لو كنت مزعج لأي حد منكم ❤️".

وكان ابن الفنان محمود البزاوي هاجم صناع الفيل= لعدم تواجد والده بالملصق الدعائي لفيلم "كازابلانكا" الذي تم الكشف عنه منذ ساعات.

فيلم "كازابلانكا" بطولة أميرة كرارة وغادة عادل وإياد نصار وعمرو عبد الجليل ولبلبة ومحمود البزاوي وأحمد داش والتركي هاليت أرجنش، ومن تأليف هشام هلال، وإخراج بيتر ميمي، وإنتاج وليد منصور.

اقرأ أيضا

صورة- "هجامين البحر" ملصق تشويقي جديد لـ "كازابلانكا"

هجوم ابن محمود البزاوي على فريق عمل فيلم "كازابلانكا"